Armhanq.com ՀԱՅԱՍՏԱՆԻ ՀԱՆՔԱՐԴՅՈՒՆԱԲԵՐՈՒԹՅԱՆ ԵՎ ՄԵՏԱԼՈՒՐԳԻԱՅԻ ԱՍՈՑԻԱՑԻԱ
«Կոկա Կոլա ֆեստի» կազմակերպիչները, հետևելով հանրային բողոքին ու դժգոհությանը, չեղարկել են հակաքրիստոնեական տեսահոլովակով հայտնի երգչուհի Sevdaliza-ի ելույթը Հայաստանում: Իրանական ծագում ունեցող հոլանդացի երգչուհին, որի Alibi երգը տիկտոկյան հիթ է համարվում, այս տարվա փառատոնի հեդլայներն էր: Սակայն մի շարք հայտնիներ բողոքել էին կազմակերպիչներին՝ նշելով երգչուհու Messiah տեսահոլովակը, որում վերջինը կրքոտ պարեր է ներկայացնում խաչի վրա՝ հանդես գալով հակաքրիստոնեական հաղորդագրություններով:
Փառատոնի կազմակերպիչներն այսօր հանդես են եկել պաշտոնական հայտարարությամբ:
«Տեղեկացնում ենք, որ Սևդալիզան ելույթ չի ունենալու:
Շուտով կհայտնենք նոր արտիստների անուններ, ովքեր մեր 15 հայ արտիստների և միջազգային հեդլայներ A7S-ի հետ փառատոնը կդարձնեն անմոռանալի երաժշտական տոն:
Շնորհակալ ենք ձեզ վստահության համար: Ձեր ոգևորությունն է, որ այս փառատոնը դարձնում է յուրահատուկ:
Անհամբեր սպասում ենք ձեզ օգոստոսի 30-ին՝ Sound Park-ում»,-նշված է ֆեստի ինստագրամյան էջի հաղորդագրության մեջ:
