Armhanq.com ՀԱՅԱՍՏԱՆԻ ՀԱՆՔԱՐԴՅՈՒՆԱԲԵՐՈՒԹՅԱՆ ԵՎ ՄԵՏԱԼՈՒՐԳԻԱՅԻ ԱՍՈՑԻԱՑԻԱ
Ավելի քան 496 կմ/ժ․ աշխարհի ամենաարագ սերիական ավտոմեքենայի տիտղոսին հավակնում է չինական էլեկտրական հիպերքարը։ Սակայն ռեկորդը պաշտոնապես արդյոք հաշվարկվե՞լ է։
Չինական ավտոարտադրողները ռեկորդային տեմպերով գրավում են միջազգային շուկան, այժմ՝ բառի ուղիղ իմաստով։ Այս տարվա սեպտեմբերի 14-ին Գերմանիայում՝ Automotive Testing Papenburg փորձադաշտում, Yangwang U9 Xtreme-ը հասավ մինչև 496.22 կմ/ժ, ինչն ավելի քան 20 կմ/ժ-ով գերազանցում է օգոստոսին գրանցած ցուցանիշը։ Yangwang ապրանքանիշի մայր ընկերությունը՝ BYD-ը դա համարում է սերիական ավտոմեքենաների համար համաշխարհային ռեկորդ։
Սակայն ներկայումս կարծես թե այդ արագությունը գրանցվել է միայն մեկ ուղղությամբ։ Պաշտոնապես աշխարհի ամենաարագ մեքենայի տիտղոսը դեռ պատկանում է Koenigsegg Agera RS-ին, որը 2017 թվականին հանրային ճանապարհի հատվածում երկու ուղղությամբ ցույց է տվել 447 կմ/ժ։
