ASUS Vivobook S 15 OLED՝ ուժի և ոճի կատարյալ համադրություն

Ժամանակակից աշխարհում, որտեղ գնալով ավելանում է հեռավար և արագ առաջադրանքներ կատարելու պահանջը, ճիշտ նոթբուքի ընտրությունը դառնում է հաջողության առանցքային գործոն, ինչպես աշխատանքի, այնպես էլ դպրոցի համար: Vivobook S 15 OLED (K5504)-ը նոր տեխնոլոգիական գլուխգործոց է առաջատար արտադրողից, որը համատեղում է անզուգական ուժն ու էլեգանտ ոճը:

Vivobook S 15 OLED-ն ունի 13-րդ սերնդի Intel Core i9 H շարքի պրոցեսոր և 1TB SSD: Այս պրոցեսորի շնորհիվ օգտվողները ստանում են անսահմանափակ հնարավորություններ՝ լուծելու ամենաբարդ խնդիրները։ Նոթբուքն ունի 120 Հց թարմացման արագությամբ, 15,6 դյույմանոց 2,8K OLED էկրան:

Vivobook S 15 OLED-ը նաև առանձնանում է նրբագեղ դիզայնով և գունային տարբերակներով: Այս նոթբուքը պատրաստ է գրավել հայացքներ և արտացոլել իր տիրոջ ճաշակը` ընդգծելով նրա անհատականությունն ու ոճը:

Տեխնիկական բնութագիր

Օպերացիոն համակարգ	Windows 11 Home
CPU	Intel Core i5-13500H, 8 միջուկ (4P+8E),Intel Core i7-13700H, 8 միջուկ (6P+8E)
GPU	Intel Iris Xe
Էկրան	15.6 դյույմ 16:9 OLED 2.8K (2880×1620),ծածկույթ՝ հակացոլքային,փայլուն,120 Հց,արձագանքման ժամանակահատված՝ 0.2 մվ,էկրանի հարաբերական մակերես՝ 85% (NanoEdge),առավելագույն պայծառություն՝ 600քդ/մ2,գունային ընդգրկում՝ 100% DCI-P3,հավաստագրեր՝ Pantone և SGS, VESA HDR True Black 600Լրացուցիչ՝ 15,6” FHD 60 կամ 120 Հց
Օպերատիվ հիշողություն	8/16 ԳԲ երկուղի LPDDR5 պլատայի վրա
Կուտակիչ	SSD 256/512 ԳԲ/1 ՏԲ PCIe 4.0
Կառավարում	Ստեղնաշարը՝ լուսավորվող և թվային բլոկովՄատնահետքի սքաներ
Անլար ցանց	Wi-Fi 6E(802.11ax)+Bluetooth 5.0 (Dual band) 2*2
Միակցիչներ	1 USB-A 3.2, 1 Thunderbolt 4 USB-C 3.2 էկրանի/սնուցման աջակցությամբ, 1 USB-A 2.0, HDMI 1.4, աուդիո
Այլ	1080p տեսախցիկ՝ ծածկիչով,Harman/Kardon ստերեո համակարգ,Ուղղորդող խոսափող
Սնուցում	Մարտկոց՝ 75 Վտ/ժ, սնուցման բլոկ` 90 Վտ USB-C
Չափ, քաշ	359x229x17.9 մմ, 1.7 կգ
Գույն	Արծաթագույն, սև, կապույտ, բեժ

Իդեալական նոթբուք ուսման և կրթության համար

ASUS նոթբուքի նոր մոդելը պատկանում է եզակի Vivobook S – ASUS Vivobook S OLED շարքին: Սրանք կոմպակտ և բարակ նոթբուքեր են՝ ժամանակակից թարմ դիզայնով, նախատեսված հատուկ այն օգտատերերի համար, ովքեր գնահատում են ոչ միայն բարձր արդյունավետությունը, այլև ոճային տեսքը: Այս մոդելի դիզայնն աչքի է ընկնում վառ գունային շեշտադրումներով և վերին շապիկին ASUS Vivobook-ի ծավալուն ցուցանակով, որն այն իսկապես յուրահատուկ է դարձնում:

ASUS Vivobook S OLED-ը իդեալական է սովորելու և ակտիվ աշխատանքի համար: Նոթբուքի փոքր չափի շնորհիվ հեշտ է այն կրելն ու տեղափոխելը: Հատկապես ուրախացնում է ASUS Lumina OLED-ը էկրանի որակը, որը ոչ միայն ապահովում է պատկերի գերազանց հստակություն, այլև նվազեցնում է աչքերի լարվածությունը, ինչը կարևոր է երկար ժամերի օգտագործման դեպքում:

Առցանց ուսուցումը նույնպես շատ ավելի հեշտ է դառնում վեբ-տեսախցիկի շնորհիվ, որն ապահովում է պատկերի հստակություն ու գերազանց ձայնի փոխանցում: Հարմարավետ ASUS ErgoSense ստեղնաշարը թույլ է տալիս հավաքել տեքստը առանց լարվածության և անհարմարության, իսկ պատյանի հակաբակտերիալ ծածկույթն ապահովում է առողջության լրացուցիչ պաշտպանությունը։

ASUS OLED նոթբուքն առաջադեմ և բարձր տեխնոլոգիական սարք է, որն ունի մի շարք հիանալի հատկություններ: Այս ամենի մասին ավելի մանրամասն կխոսենք ստորև.

1. Պատկերի դետալիզացիա

ASUS Lumina OLED էկրանն ապահովում է ապշեցուցիչ դետալիզացված և իրական պատկեր՝ DCI-P3 կինեմատոգրաֆիկ գունային 100 տոկոս ընդգրկմամբ: Դա բոլոր երանգներն ավելի հագեցած և պայծառ է դարձնում, և կատարյալ է լուսանկարների և տեսանյութերի պրոֆեսիոնալ մշակման, ինչպես նաև մուլտիմեդիա բովանդակություն դիտելու համար:

2. Պաշտպանություն

OLED էկրաններն արձակում են 70%-ով ավելի քիչ վնասակար կապույտ լույս, քան LCD-ները՝ ավելի հարմարավետ դարձնելով այն աչքերի համար: Նոթբուքը հավաստագրված է TUV Rheinland Low Blue Light-ի և SGS-ի կողմից, ինչը փաստում է դրա անվտանգությունը տեսողությունը պաշտպանելու հարցում, հատկապես երեխաների համար:

3. Գույնի փոխանցման բարձր ճշգրտություն

OLED տեխնոլոգիան, որն օգտագործվում է ASUS նոթբուքերում, առաջընթաց է դիսփլեյների ոլորտում։ Դրա առավելությունն այն է, որ յուրաքանչյուր պիքսել լույսի անկախ աղբյուր է, ինչը թույլ է տալիս հասնել անհավատալի խորության մուգ և վառ հագեցած գույների: Այս մոտեցումը ապահովում է բարձր կոնտրաստ և ցուցադրման աննախադեպ ճշգրտություն, ինչը հատկապես կարևոր է գրաֆիկայի, դիզայնի և լուսանկարչության մասնագետների համար:

Գույնի բարձր ճշգրտությամբ փոխանցման Pantone հավաստագրման շնորհիվ ASUS OLED նոթբուքերն ապահովում են ամենաճշգրիտ և իրական գունային պատկերները: Պրոֆեսիոնալները կարող են վստահ լինել, որ իրենց ստեղծագործությունը կցուցադրվի այնպես, ինչպես նախատեսված է, և յուրաքանչյուր նրբերանգ ու մանրուք կվերարտադրվի ամենաբարձր ճշգրտությամբ։

4. Գերազանց կոնտրաստ և արձագանքման ժամանակ

OLED դիսփլեյները (օրգանական լուսարձակող դիոդային էկրաններ) նորարարական տեխնոլոգիա է։ Այն հաստատվել է որպես էլեկտրոնիկայի շուկայում ամենաառաջադեմն ու ամենապահանջվածներից մեկը:

OLED էկրանների հիմնական առավելություններից է կոնտրաստի ամենաբարձր մակարդակը՝ մինչև 1,000,000:1։ Այս պարամետրը որոշում է էկրանի սպիտակ և սև երանգների պայծառության տարբերությունը: Կոնտրաստի հսկայական տարբերությունը դարձնում է OLED էկրանի սև երանգներն իսկապես սև, ինչը պատկերին տալիս է զարմանալի իրականություն և խորություն: Համեմատած LCD-ների հետ, որոնք հաճախ խնդիր ունեն կոնտրաստի սահմանափակ գործակիցի պատճառով, OLED-ներն առաջարկում են պատկերի որակի անզուգական մակարդակ:

Խիստ ցածր՝ 0.2 մվ արձագանքման ժամանակը OLED տեխնոլոգիայի ևս մեկ կարևոր առավելություն է: Արձագանքման ժամանակն այն արագությունն է, որով էկրանի յուրաքանչյուր պիքսելը կարող է փոխել իր պայծառությունը: Այս արձագանքման շնորհիվ OLED էկրանները արդյունավետորեն խուսափում են լղոզման էֆեկտից, իսկ էկրանի վրա շարժվող առարկաները ցուցադրվում են հստակ և սահուն:

5. Intel Evo հարթակ

Գերազանց կատարողականությամբ և արդյունավետությամբ նոթբուքը համապատասխանում է Intel Evo ստանդարտին: Այն բարակ է, ակնթարթորեն միանում է, ունի առնվազն 9 ժամ մարտկոցի աշխատունակություն, պրոցեսորի և գրաֆիկայի բարձր արդյունավետություն և արագ անլար կապ:

6. 13-րդ սերնդի հզոր Intel պրոցեսոր

Յուրահատուկ ճարտարապետությամբ Intel Core i5-13500H և Core i7-13700H պրոցեսորները միավորում են 6 արդյունավետության և 8 էներգաարդյունավետության միջուկներ: Այս նորարարական մոտեցումը թույլ է տալիս դինամիկ կերպով հարմարվել ծանրաբեռնվածությանը, առավելագույնի հասցնել արտադրողականությունը և արդյունավետորեն կառավարել էներգիայի սպառումը՝ երկարացնելով ավտոնոմ աշխատանքի տևողությունը:

Գրաֆիկական ենթահամակարգը, որն արդիականացվել է պահանջկոտ 3D հավելվածների հետ համատեղելիության համար, հնարավորություն է տալիս սահուն կերպով գործարկել ժամանակակից խաղերը միջին պարամետրերով:

7. Հարմարավետ լուսավորությամբ ստեղնաշար և մատնահետքի սքաներ

ASUS ErgoSense ստեղնաշարն ապահովում է հարմարավետ մուտքագրում ցանկացած լուսավորության պայմաններում, իսկ սարքի միացման կոճակին ինտեգրված մատնահետքի սքաները՝ նույնականցման արագությունն ու անվտանգությունը:

8. Վեբ տեսախցիկ և արհեստական ​​ինտելեկտի տեխնոլոգիաներ

Ներկառուցված AiSense վեբ տեսախցիկն առաջադեմ սարք է, որը գերազանցում է սպասելիքները տեսակապի ժամանակ:

AiSense-ի կողմից աջակցվող ֆոնային մշուշման գործառույթը թույլ է տալիս տեսազանգերի ժամանակ կենտրոնանալ օգտատիրոջ վրա և նվազագույնի հասցնել ֆոնային շեղող տարրերը:

Այս տեսախցիկի մեկ այլ տպավորիչ կողմը լույսավորության ավտոմատ խմբագրումն է: Արհեստական ​​ինտելեկտի տեխնոլոգիայի շնորհիվ AiSense-ն ի վիճակի է օպտիմալացնել վիդեոյի պայծառությունն ու կոնտրաստը իրական ժամանակում՝ ապահովելով լավագույն տեսանելիություն տարբեր լուսավորության պայմաններում:

9. MyASUS ֆիրմային ծրագրային ապահովում

MyASUS հավելվածների հավաքածուն և ուտիլիտն ապահովում է կատարողականի օպտիմալացում, ախտորոշում և աջակցման գործառույթներ, որոնք կօգնեն համապատասխանեցնել սարքն օգտագործողի նախասիրություններին:

10. Երկարակեցություն և հուսալիություն

Նոութբուքը փորձարկվել է MIL-STD 810H ռազմական հուսալիության ստանդարտի համաձայն, ինչը երաշխավորում է դրա երկարակեցությունը և դիմադրողականությունը տարբեր աշխատանքային պայմաններում:

Ամփոփում

OLED էկրանով և Intel Evo հարթակով ASUS նոութբուքը հզոր և հուսալի սարք է, որը հարմար է ինչպես պրոֆեսիոնալ աշխատանքի, այնպես էլ ժամանցի համար։ Այն համատեղում է առաջադեմ տեխնոլոգիաները, բարձր արդյունավետությունը և հարմարավետ օգտագործումը: