Հայաստանի 1000 խոշոր հարկատուները. ԶՊՄԿ-ն առաջին եռյակում է, Կապանի ԼՀԿ-ն՝ 16-րդը

Պետական եկամուտների կոմիտեն հրապարակել է 2025թ. հունվար-սեպտեմբեր ամիսների Հայաստանի 1,000 խոշոր հարկ վճարողների կողմից վճարված հարկերի և տուրքերի ցուցանիշները։ Այդ մասին տեղեկանում ենք ՊԵԿ-ից։ Ընթացիկ տարվա 9 ամիսներին մուծվել է 1.439 տրլն դրամ հարկ։

Առաջատար տասնյակ

Հրապարակված ցուցանիշների համաձայն՝ Հայաստանի խոշոր հարկ վճարողների ցուցակը գլխավորում է Մոբայլ Սենթր Արթը՝ 52.5 մլրդ դրամ, ինչը 2024թ. համադրելի ցուցանիշից ավել է 3.37 մլրդ դրամով կամ 6.87%-ով։ 2024թ. հունվար-սեպտեմբերին ընկերությունը զբաղեցրել էր 2-ին հորիզոնականը։

Գրանդ Տոբակոն երկրորդ տեղում է՝ 45.94 մլրդ դրամով։ 2024թ. ցուցանիշի համեմատ արձանագրվել է աճ 6.16 մլրդ դրամով կամ 15.47%-ով։ 2024թ. հունվար-սեպտեմբերին ընկերությունը զբաղեցրել էր 3-րդ հորիզոնականը։

Երկրորդ տեղում ԶՊՄԿ-ն է, որը վճարել է 36.17 մլրդ դրամ։ 2024թ. նույն ժամանակահատվածի համեմատ արձանագրվել է անկում 47.48 մլրդ դրամով կամ 56.77%-ով։ 2024թ. հունվար-սեպտեմբերին ընկերությունը զբաղեցրել էր 1-ին հորիզոնականը։

Չորրորդ տեղում է  Գազպրոմ Արմենիան։ Ընկերության կողմից պետական բյուջե է վճարվել 34.89 մլրդ դրամ, ինչը 2024թ. 36.33 մլրդ դրամ ցուցանիշից պակաս է 1.45 մլրդ դրամով կամ 3.99%-ով։ 2024թ. հունվար-սեպտեմբերին ընկերությունը նույնպես 4-րդն էր։

Հինգերորդ հորիզոնականում է Արդշինբանկը՝ 31.89 մլրդ դրամ վճարված հարկերով։ 2024թ. համադրելի ցուցանիշի համեմատ արձանագրվել է աճ 23.77 մլրդ դրամով կամ 292.39%-ով։ 2024թ. հունվար-սեպտեմբերին ընկերությունը զբաղեցրել էր 24-րդ հորիզոնականը։

Վեցերորդ տեղում է Ամերիաբանկը, որը պետական բյուջե է մուտքագրել 24.99 մլրդ դրամ։ Սա 2024թ. համադրելի ցուցանիշից ավել է 4.55 մլրդ դրամով կամ 22.28%-ով։ 2024թ. հունվար-սեպտեմբերին ընկերությունը զբաղեցրել էր 6-րդ հորիզոնականը։

Սի Փի Էս Էներջի Գրուպը յոթերորդ հորիզոնականում է՝ վճարելով 19 մլրդ դրամ։ 2024թ. նույն ժամանակահատվածի համեմատ արձանագրվել է 1.38 մլրդ դրամ կամ 7.85% աճ։ 2024թ. հունվար-սեպտեմբերին ընկերությունը կրկին 7-րդ հորիզոնականում էր։

Ութերորդ տեղում է Ինտերնեյշնլ Մասիս Տաբակը, որը պետական բյուջե է մուտքագրել 18.19 մլրդ դրամ։ 2024թ. նույն ժամանակահատվածի համեմատ արձանագրվել է աճ 4.69 մլրդ դրամով կամ 34.71%-ով։ 2024թ. հունվար-սեպտեմբերին ընկերությունը զբաղեցրել էր 12-րդ հորիզոնականը։

Իններորդ տեղում է Դիջիթեյնը, որը պետական բյուջե է մուտքագրել 16.7 մլրդ դրամ։ 2024թ. նույն ժամանակահատվածի համեմատ գրանցվել է աճ 78.35%-ով կամ 7.34 մլրդ դրամով։ 2024թ. հունվար-սեպտեմբերին ընկերությունը զբաղեցրել էր 20-րդ հորիզոնականը։

Տասնյակը եզրափակում է Սոֆթ Կոնստրակտը, որը մուծել է 16.28 մլրդ դրամ հարկ։ 2024թ. համադրելի ցուցանիշի համեմատ արձանագրվել է աճ 16.88%-ով կամ 2.35 մլրդ դրամով։ 2024թ. հունվար-սեպտեմբերին ընկերությունը զբաղեցրել էր 11-րդ հորիզոնականը։

Առաջին տասնյակում տեղ է զբաղեցրել մեկական ընկերություն էլեկտրոնիկայի վաճառքի և հանքարդյունաբերության ոլորտներից։ 2-ական ընկերությամբ ներկայացված են, բանկային, տեխնոլոգիաների, էներգակիրների և ծխախոտագործության ոլորտները։

Ընդհանուր ցուցանիշներ

Ընդհանուր առմամբ, առաջատար 10 հարկատուների կողմից 2025թ. հունվար-հունիս ամիսներին վճարվել է շուրջ 296.56 մլրդ դրամ հարկ, ինչը 2024թ. համադրելի ցուցանիշից պակաս է 6.78%-ով կամ 21.56 մլրդ դրամով (2024թ․ ցուցանիշը՝ 318.13 մլրդ դրամ)։

Առաջատար 100 հարկատուների կողմից վճարված հարկերի ծավալը կազմել է 823.18 մլրդ դրամ՝ +6.64% կամ 51.24 մլրդ դրամ, իսկ 1,000 խոշոր հարկատուների կողմից մուծված հարկերի ծավալը կազմել է 1,439.34 մլրդ դրամ՝ +116.13 մլրդ դրամ կամ 8.78%։

1000 խոշոր հարկատուների կողմից մուծված հարկերի շուրջ 20.6%-ը բաժին է ընկնում առաջին 10 ընկերությանը, իսկ առաջին հարյուրին՝ 57%։

Եթե մուծված հարկերի ծավալը ներկայացնենք ԱՄՆ դոլարով (ԿԲ փոխարժեքը 2025թ․ հոկտեմբերի 24-ի դրությամբ՝ 383.05 դրամ), ապա՝ Առաջատար տասնյակի կողմից մուծվել է շուրջ 774.22 մլն դոլար։ Առաջատար 100-ի կողմից՝ մոտ 2.15 մլրդ դոլար, իսկ 1,000-ի կողմից՝ շուրջ 3.76 մլրդ դոլար։

ՀՀ Խոշոր հարկատուներ. 2025թ. հունվար-սեպտեմբեր

Search
No	ՀՎՀՀ	Անվանում	Տեղակայում	Հազ. ՀՀԴ
1	01850138	ՄՈԲԱՅԼ ՍԵՆԹՐ ԱՐԹ	ԵՐԵՎԱՆ	52,496,867
2	02216066	ԳՐԱՆԴ ՏՈԲԱԿՈ	ԵՐԵՎԱՆ	45,943,380
3	09400818	ԶԱՆԳԵԶՈՒՐԻ ՊՂՆՁԱՄՈԼԻԲԴԵՆԱՅԻՆ ԿՈՄԲԻՆԱՏ	ՍՅՈՒՆԻՔ	36,171,155
4	00046317	ԳԱԶՊՐՈՄ ԱՐՄԵՆԻԱ	ԵՐԵՎԱՆ	34,884,746
5	02566492	ԱՐԴՇԻՆԲԱՆԿ	ԵՐԵՎԱՆ	31,895,253
6	02502212	ԱՄԵՐԻԱԲԱՆԿ	ԵՐԵՎԱՆ	24,991,483
7	02847546	ՍԻ ՓԻ ԷՍ ԷՆԵՐՋԻ ԳՐՈՒՊ	ԵՐԵՎԱՆ	19,004,335
8	04215053	ԻՆՏԵՐՆԵՅՇՆԼ ՄԱՍԻՍ ՏԱԲԱԿ	ԱՐԱՐԱՏ	18,192,967
9	02627448	ԴԻՋԻԹԵՅՆ	ԵՐԵՎԱՆ	16,701,947
10	02629813	ՍՈՖԹ ԿՈՆՍՏՐԱԿՏ	ԵՐԵՎԱՆ	16,282,461
11	00454054	ՖԻԼԻՊ ՄՈՐՐԻՍ ԱՐՄԵՆԻԱ	ԵՐԵՎԱՆ	15,664,883
12	01282006	ՍԻԹԻ	ԵՐԵՎԱՆ	15,082,747
13	01551651	ՎԻՎԱ ԱՐՄԵՆԻԱ	ԵՐԵՎԱՆ	14,366,675
14	01829451	ՓՐԻԹԻ ՈՒԵՅ	ԵՐԵՎԱՆ	13,205,377
15	02562664	ԱՐՄԵՆԻԱ ՄԻՋԱԶԳԱՅԻՆ ՕԴԱՆԱՎԱԿԱՅԱՆՆԵՐ	ԵՐԵՎԱՆ	12,850,973
16	09416902	ԿԱՊԱՆԻ ԼԵՌՆԱՀԱՐՍՏԱՑՄԱՆ ԿՈՄԲԻՆԱՏ	ՍՅՈՒՆԻՔ	12,482,395
17	02700773	ԹԵՂՈՒՏ	ԼՈՌԻ	11,863,320
18	01520882	ՀԱՅԱՍՏԱՆԻ ԷԼԵԿՏՐԱԿԱՆ ՑԱՆՑԵՐ	ԵՐԵՎԱՆ	11,718,541
19	02520007	ԱԿԲԱ ԲԱՆԿ	ԵՐԵՎԱՆ	11,253,411
20	00159949	ԿԱԲԱՐԿՈ	ԵՐԵՎԱՆ	11,037,774