Dacia Spring․ Եվրոպայի ամենաէժան էլեկտրաքարն ունի նոր մարտկոց և ավելի հզոր‌ է

Էլեկտրական հեթչբեքը՝ Dacia Spring-ը չորս տարվա ընթացքում չորրորդ անգամ է թարմացվել։ Այժմ այն ունի LFP տիպի մարտկոց, մինչև 100 ձիաուժ հզորություն և արագացված լիցքավորում՝ նույն՝ 16.900 եվրոյից սկսվող գնով։

Dacia Spring-ը, որը համարվում է Եվրոպայի ամենաէժան նոր էլեկտրամեքենան, կրկին թարմացվել է՝ ընդամենը մեկ տարի անց 2024 թվականի մեծ ռեստայլինգից հետո։

Գլխավոր փոփոխությունն է նոր լիթիում-երկաթ-ֆոսֆատային (LFP) մարտկոցը։ Այն տեղադրված է ամրացված պատյանում, որը բարձրացնում է կառուցվածքի կարծրությունը և բարելավում քաշի բաշխումը։ LFP-ն ապահովում է ավելի մեծ դիմացկունություն և նվազեցված մաշվածություն ժամանակի ընթացքում։

Նոր մարտկոցի հզորությունը կազմում է 24.3 կՎտ/ժ, ինչը փոքր-ինչ պակաս է նախկին 25 կՎտ/ժ-ից, սակայն ավելի արդյունավետ շարժիչների և աերոդինամիկայի բարելավման շնորհիվ ընթացքի պաշարը պահպանվել է նույնը՝ 225 կմ WLTP ցիկլով։

Առավելագույն արագ լիցքավորման հզորությունը բարձրացել է 30-ից մինչև 40 կՎտ։ Այսպիսի փոքր մարտկոցի և ցածր գնի համար դա լիովին բավարար է։ Ըստ Dacia-ի տվյալների՝ 20%-ից մինչև 80% լիցքավորումը DC կայանում այժմ տևում է ընդամենը 29 րոպե։

7 կՎտ հզորությամբ լիցքավորման սարքից մարտկոցը լիցքավորվում է 20%-ից մինչև 100%՝ 3 ժամ 20 րոպեում (նախկինում՝ 4 ժամ), տնային վարդակից՝ մոտ 10 ժամ 11 րոպեում։

Նախկին 45 և 65 ձիաուժ հզորությամբ շարժիչները դուրս են բերվել արտադրությունից։ Այժմ առկա են երկու նոր տարբերակ՝ 70 և 100 ձիաուժ, ինչը զգալի աճ է:

Սրահը մեծ փոփոխությունների չի ենթարկվել:

Անկախ տարբերակից՝ Dacia Spring-ի գինը մնում է 20 հազար եվրոյից պակաս։