Armhanq.com ՀԱՅԱՍՏԱՆԻ ՀԱՆՔԱՐԴՅՈՒՆԱԲԵՐՈՒԹՅԱՆ ԵՎ ՄԵՏԱԼՈՒՐԳԻԱՅԻ ԱՍՈՑԻԱՑԻԱ
Ռուսաստանի կառավարությունը Max մեսենջերը ներառել է սմարթֆոնների և այլ սարքերի վրա նախապես տեղադրված ծրագրերի ցանկում։ Համապատասխան հրամանը ստորագրել է վարչապետ Միխայիլ Միշուստինը։ Max-ը նման ծրագրերի ցանկում կփոխարինի VK մեսենջերին։
Max-ի պարտադիր նախնական տեղադրումը կներդրվի 2025 թվականի սեպտեմբերի 1-ից։
Կառավարությունը նաև հայտարարել է, որ սեպտեմբերի 1-ից ռուսական RuStore հավելվածների խանութը պարտադիր նախնական տեղադրում կդառնա iOS և HyperOS օպերացիոն համակարգերով սարքերի վրա։ Նախկինում RuStore-ը նախնական տեղադրվել է Android և HarmonyOS օպերացիոն համակարգերով աշխատող սարքերի վրա։
Հունիսի վերջին Պետդուման երրորդ ընթերցմամբ օրենք է ընդունել, որը պարտադրում է Apple-ին ռուս օգտատերերի համար RuStore հավելվածների խանութը տեղադրել iPhone-ներում և iPad-ներում։ Apple-ում չեն մեկնաբանել այս պահանջը։ Ընկերությունը պաշտոնապես դադարեցրել է իր սարքավորումների Ռուսաստան մատակարարումը 2022 թվականի սկզբին, սակայն այն ներկրվում է Ռուսաստան զուգահեռ ներմուծմամբ։
Հունիսին Ռուսաստանն ընդունել է օրենք Ռուսաստանի ազգային մեսենջեր ստեղծելու մասին: Հուլիսի կեսերին Ռուսաստանի կառավարությունը հրամանագիր է արձակել, որով VK-ի կողմից մշակված Max-ը հայտարարվել է ազգային մեսենջեր: Մեսենջերը քննադատվում է օգտատերերին լրտեսելու իր կարողության և անվտանգության հարցերի համար: Նման մտահոգություններ են հայտնել նույնիսկ Ռուսաստանի կառավարությանը հավատարիմ Z-բլոգերները:
