Ombre by Mulliner. յուրօրինակ գրադիենտային ներկ` Bentley-ից

Լյուքս դասի ավտոարտադրող Bentley-ն Monterey Car Week-ի շրջանակներում իրականացվող The Quail միջոցառման ժամանակ ներկայացրել է «Ombre by Mulliner» անվամբ յուրօրինակ ներկը, հայտնում է Motоrious-ը։

Այս գրադիենտային էֆեկտը սահուն կերպով դիմացի տոպազի գույնից փոխակերպվում է հետևի Windsor Blue գույնին՝ ցուցադրելով ընկերության բարձրագույն վարպետությունը և նորարարությունը:

Այս ծածկույթի ստեղծման գործընթացը մոտ 56 ժամ աշխատանք է պահանջում, որը ստեղծվում է Bentley-ի՝ Մեծ Բրիտանիայի Քրյու քաղաքում գտնվող գործարանում աշխատող հմուտ արհեստավորների կողմից: Նախ ավտոմեքենայի առջևի և հետևի հատվածներին քսվում են հակադիր հիմնական գույները, ապա աստիճանաբար ստեղծվում է սահուն անցում՝ ապահովելով երանգների կատարյալ համադրություն ամբողջ թափքի մակերեսով։

«Ombre by Mulliner» ներկը կարելի է պատվիրել Bentley-ի դիլերների համաշխարհային ցանցի միջոցով: Հաճախորդները կարող են ընտրել երեք գունային համադրություններից մեկը կամ պատվիրել անհատականացված տարբերակ Mulliner Personalisation-ի միջոցով:

Ծառայության արժեքը կախված է ընտրված բնութագրերից և կատարման բարդությունից. ճշգրիտ գումարը չի բացահայտվում:

Քրյուի գործարանում նոր տեխնոլոգիաների ներդրումը ընդլայնել է գունապնակը՝ հասցնելով ավելի քան 80 ստանդարտ երանգների և լրացուցիչ ու հատուկ գույների բազմազանության, այդ թվում՝ Satin և Duotone: Գունանյութը համատեղում է բարձրորակ աշխատանքը դիմացկունության հետ, ինչը հատկապես կարևոր է եզակի և երկարակյաց լուծումներ փնտրող հաճախորդների համար: