«Ուրարտուի» գլխավոր մարզիչ Դմիտրի Գունկոն հեռացել է ֆուտբոլային ակումբից

«Ուրարտու» ֆուտբոլային ակումբը և գլխավոր մարզիչ Դմիտրի Գունկոն երկկողմանի համաձայնությամբ խզել են պայմանագիրը։ Այդ մասին հայտնում է ակումբի մամուլի ծառայությունը: Մասնագետը միացել էր ակումբին 2022 թվականի ամռանը։

«Ուրարտու»-ն Դմիտրի Գունկոյի գլխավորությամբ անցկացրել է 119 հանդիպում, որտեղ տոնել է 66 հաղթանակ։ 2022/23 մրցաշրջանում ֆուտբոլային ակումբը դարձել է Հայաստանի չեմպիոն և գավաթակիր։ 

Ակումբը խորին շնորհակալությունն է հայտնել Դմիտրի Գունկոյին անցած ամբողջ ճանապարհի, անմնացորդ նվիրումի և պրոֆեսիոնալիզմի համար։