Հայաստանը հայտնվել է ռուսական չոր կաթ ներկրող երկրների եռյակում

Վերջին երկու տարիների ընթացքում Ռուսաստանը ցույց է տվել չոր կաթի արտահանման զգալի աճ, հաղորդում է «Агроэкспорт»-ը։

Փորձագիտական ​​գնահատականներով՝ 2022 թվականին մատակարարումները կազմել են 4 հազար տոննայից փոքր-ինչ ավելի, մինչդեռ 2023 և 2024 թվականներին ծավալներն արդեն գերազանցել են 20 հազար տոննան։

Բնամթերքով  2024 թվականին ներմուծող առաջին երեք երկրներն են.

1-ին տեղ՝ Ղազախստան (42%)

2-րդ տեղ՝ Ալժիր (19%)

3-րդ տեղ՝ Հայաստան (9%)

2024 թվականին Ռուսաստանը Մերձավոր Արևելք է արտահանել մոտ 1,5 հազար տոննա չոր կաթ։ Հիմնական ծավալը բաժին է ընկել Եգիպտոսին։

2023 թվականից ի վեր  սկսել են առաքումները Սաուդյան Արաբիա. անցյալ տարի չոր կաթի արտահանումն այս երկիր գերազանցել է 110 տոննան։