QR ուղետոմսերի վավերականության ժամկետը կսահմանվի 7 օր

Այսուհետ QR ուղետոմսերի վավերականության ժամկետը կնվազեցվի, կսահմանվի 7 օր: Այդ մասին հայտնում են Երևանի քաղաքապետարանից: 

«Տոմսային համակարգի անխափան աշխատանքի ապահովման նկատառումներով՝ այսուհետ QR ուղետոմսերի վավերականության ժամկետը կնվազեցվի’ սահմանվելով 7 օր։ 

Տեղեկացնում ենք նաև, որ բանկային քարտերով վճարումների իրականացման ապահովումը գտնվում է ավարտական փուլում, այժմ իրականացվում են փորձարկման աշխատանքներ»,- նշված է քաղաքապետարանի տարածած հաղորդագրության մեջ։

Ըստ այդմ՝ առաջիկայում կհայտարարվի ամբողջական գործարկման մասին։