Լյուքսեմբուրգ, ԱՄՆ, Շվեյցարիա․ որտեղ են աշխատավարձերն ամենաբարձրը

Կան բազմաթիվ պատճառներ, թե ինչու են աշխատավարձերը տարբերվում տարբեր երկրներում՝ տնտեսական զարգացում, կյանքի արժեք, աշխատանքային օրենսդրություն և մի շարք այլ գործոններ: Այս փոփոխականների պատճառով դժվար է որոշել աշխարհում եկամտի ընդհանուր մակարդակը:

Սա նշանակում է, որ նշված արժեքները հաշվի են առնում տարբեր երկրներում կյանքի արժեքի և գնաճի տարբերությունը:

N	Երկիր	Միջին տարեկան աշխատավարձը(դոլար)
1	🇱🇺 Լյուքսեմբուրգ	78,310
2	🇺🇸 ԱՄՆ	77,463
3	🇨🇭 Շվեցարիա	72,993
4	🇧🇪 Բելգիա	64,848
5	🇩🇰 Դենմարկ	64,127
6	🇦🇹 Ավստրիա	63,802
7	🇳🇱 Նիդերլանդներ	63,225
8	🇦🇺 Ավստրալիա	59,408
9	🇨🇦 Կանադա	59,050
10	🇩🇪 Գերմանիա	58,940
11	🇬🇧 Մեծ Բրիտանիա	53,985
12	🇳🇴 Նորվեգիա	53,756
13	🇫🇷 Ֆրանսիա	52,764
14	🇮🇪 Իռլանդիա	52,243
15	🇫🇮 Ֆինլանդիա	51,836

Այս տվյալները ստացվել են ՏՀԶԿ-ից (Տնտեսական համագործակցության և զարգացման կազմակերպություն)՝ միջազգային կազմակերպությունից, որը խթանում է տնտեսական և սոցիալական բարեկեցության բարձրացմանն ուղղված քաղաքականության իրականացումը: Այն ներառում է 38 անդամ երկիր։

Լյուքսեմբուրգը, ԱՄՆ-ը և Շվեյցարիան առաջարկում են ամենաբարձր միջին տարեկան աշխատավարձերը:

Բոլոր երեք երկրները զարգացած տնտեսություններ են՝ լավ զարգացած ծառայությունների ոլորտով, ինչը, ընդհանուր առմամբ, հանգեցնում է ավելի բարձր վարձատրվող աշխատատեղերի: Այս երկրներում կյանքի արժեքը նույնպես համեմատաբար բարձր է, ինչը պահանջում է ավելի բարձր աշխատավարձեր՝ կյանքի ստանդարտ որակը պահպանելու համար:

Մեքսիկան և Հունաստանը առաջարկում են ամենացածր միջին աշխատավարձերը: Ինչ վերաբերում է Մեքսիկային, ապա երկրի տնտեսության մեջ մեծ է ցածր վարձատրվող աշխատատեղերի մասնաբաժինը, հատկապես գյուղատնտեսության և արտադրական արդյունաբերության ոլորտներում:

Մյուս կողմից, Հունաստանը պայքարում է գործազրկության անընդհատ բարձր մակարդակի դեմ 2008 թվականի համաշխարհային ֆինանսական ճգնաժամից ի վեր: Սա ճնշում է գործադրում աշխատավարձերի վրա՝ աշխատուժի ավելցուկի պատճառով: