ՀՀ պետբյուջեի եկամուտները կազմել են 863.43 մլրդ դրամ

ՀՀ վիճակագրական կոմիտեի հրապարակած տվյալների համաձայն 2024թ. հունվար-ապրիլ ամիսներին ՀՀ պետբյուջեի եկամուտները կազմել են 863.43 մլրդ դրամ։ 2023թ. համադրելի ցուցանիշի համեմատ արձանագրվել է աճ 73.5 մլրդ դրամով կամ 9.3%-ով։

Միևնույն ժամանակ, պետբյուջերի ծախսերը կազմել են 817.12 մլրդ դրամ, ինչը 2023թ. համադրելի ցուցանիշը գերազանցում է 31.9%-ով կամ 197.43 մլրդ դրամով։ Ինչ վերաբերում է հավելուրդին, ապա այն նվազել է 123.93 մլրդ դրամով կամ 72.8%-ով և կազմել 46.31 մլրդ դրամ։

2024թ. ապրիլ ամսվա ցուցանիշներով, ՀՀ պետական բյուջեի եկամուտները կազմել են 338.43 մլրդ դրամ, ծախսերը՝ 291.25 մլրդ դրամ, իսկ հավելուրդը՝ 47.18 մլրդ դրամ։