Հայաստանի լրագրողների հավաքականը կմասնակցի Եվրոպայի առաջնությանը

Հայաստանի լրագրողների ֆուտբոլային հավաքականը սեպտեմբերի 11-14-ը Լիտվայի Դրուսկինինկայ քաղաքում կմասնակցի Եվրոպայի լրագրողների առաջնությանը, որն այս ձեւաչափով կանցկացվի առաջին անգամ։

Կմասնակցեն 14 թիմեր Հայաստանից, Լիտվայից, Բելառուսից, Լատվիայից, Վրաստանից, Լեհաստանից, Հունգարիայից, Չեխիայից, Հունաստանից, Սերբիայից։ Խմբային փուլի արդյունքում՝ 8 թիմեր պայքարը կշարունակեն փլեյ-օֆֆում։ 

Կազմակերպիչներն են Լիտվայի ժուռնալիստների միությունը, Լիտվայի մարզական լրագրողների ասոցիացիան եւ Լիտվայի ֆուտբոլի ֆեդերացիան։

Հայաստանի թիմի մասնակցության գլխավոր հովանավորն է «Yo Health»-ը։ Մրցելույթներին հնարավոր կլինի հետեւել հավաքականի ֆեյսբուքյան էջում։