Եվրոպայում գազի պաշարը 78%-ից ցածր է

Եվրոպայի ստորգետնյա պահեստարաններում գազի պաշարները ցուրտ եղանակի պայմաններում իջել են 78%-ից: Միևնույն ժամանակ, ջերմաստիճանի նվազման հետ մեկտեղ փոքր-ինչ ավելացել են հեղուկ բնական գազի մատակարարումները տարածաշրջան: Եվրոպայիֆոնդային բորսայում գազի գինը նվազել է մինչև 310 դոլար 1000 խորանարդ մետրի դիմաց՝ 2023 թվականի օգոստոսից ի վեր առաջին անգամ։

Եվրոպայում ջեռուցման սեզոնը սկսվել է նոյեմբերի 7-ին (մեկ շաբաթ շուտ, քան նախորդ աշուն-ձմեռ սեզոնին), և այդ պահից ի վեր ԵՄ երկրները պահեստից հանել են մոտ 24.8 միլիարդ խմ գազ: Միևնույն ժամանակ, ստորգետնյա գազապահեստարաններից գազի ընդհանուր դուրսբերումը դրանց առավելագույն լիցքավորման պահից 68-րդ օրը 8.5%-ով բարձր է նախորդ հինգ տարիների այս օրվա միջին արժեքից։ Եվրոպական ստորգետնյա պահեստարաններից գազի դուրսբերման վերջին սեզոնն ավարտվել է 2023 թվականի ապրիլի 7-ին, երբ դրանցում մնացել էր պաշարի 55.47%-ը։