Ուջանի մոտից երթևեկությունը կտեղափոխվի դեպի Հյուսիս-հարավի նորակառույց ճանապարհ

Ճանապարհաշինական աշխատանքներով պայմանավորված՝ այսօրվանից՝ հուլիսի 4-ից, Մ-1 միջպետական ճանապարհի (Երևանից Գյումրի ուղղությամբ) կմ 38+030 հատվածից (Ուջանի մոտից) երթևեկությունը կտեղափոխվի դեպի Հյուսիս-հարավի նորակառույց ճանապարհ։

«Վարորդներին հորդորում ենք նշված հատվածում երթևեկելիս լինել ուշադիր և հետևել ճանապարհային նշաններին»,-հորդորում են ճանապարհային դեպարտամենտ հիմնադրամից։