«Նոան» նոր մարզական տնօրեն ունի

Հայաստանի չեմպիոն ու գավաթակիր Երևանի «Նոա» ֆուտբոլային ակումբը նոր մարզական տնօրեն ունի: Այդ մասին հայտնում է ակումբի մամուլի ծառայությունը:

Հայկ Հովակիմյանի նախորդ աշխատավայրը Հունգարիայի բարձրագույն լիգայի «Դեբրեցեն» ակումբն էր, որտեղ 2022-ից մինչև 2024 թվականները զբաղեցրել է սպորտային տնօրենի պաշտոնը։

Մասնագետը 2019-2022 թվականների ընթացքում զբաղեցրել է «Նոա»-ի սպորտային տնօրենի պաշտոնը։ 

Այս օրերին «Նոա»-ն ուսումնամարզական հավաք է անցկացնում Ավստրիայում, որով պատրաստվում է Չեմպիոնների լիգայի որակավորման առաջին փուլին: