Իռլանդիայի ազգային բալլադի հերոսուհու բրոնզե արձանի մոտը պահակախումբ կկանգնի․ շատերը դիպչում են նրա կրծքին

Ստյուարդները կտեղակայվեն Իռլանդիայի ազգային բալլադի հերոսուհի Մոլլի Մելոունի արձանի մոտ՝ Իռլանդիայի մայրաքաղաք Դուբլինում, որպեսզի մարդիկ չդիպչեն դրան, հայտնում է BBC News-ը։

Դուբլինի քաղաքային խորհուրդը մայիսին մեկշաբաթյա պիլոտային ծրագիր է իրականացնում՝ կապված քանդակի կրծքերին դիպչող մարդկանց բողոքների հետ:

Քաղաքային խորհուրդը նաև հայտնել է, որ նախատեսում է նորից վերականգնել արձանի այն հատվածները, որոնք գունաթափվել են մարդկանց շփման արդյունքում:

«Դուբլինի քաղաքային խորհուրդը չի ցանկանում, որ որևէ մեկը դիպչի որևէ արվեստի գործին, լինի դա ներսում, թե դրսում, որպեսզի խուսափի վնասներից և ծախսատար վերանորոգումից»,- ասել է խորհրդի խոսնակը:- «Պատվանդանի ցածր բարձրությունը և արձանի շուրջ տարածությունը թույլ են տալիս հեշտությամբ հավաքվել մարդկանց, իսկ Մոլի Մելոունի արձանը էքսկուրսիաների գլխավոր թիրախներից է»:

Խորհուրդը նշել է, որ դիտարկվում են արձանին դիպչելն արգելելու այլ հնարավոր տարբերակներ, ինչպիսիք են այն տեղափոխելը կամ պատվանդանը բարձրացնելը: Այնուամենայնիվ, քաղաքապետարանը նշել է, որ այս տարբերակները «թանկարժեք» կլինեն, իսկ արվեստի գործի շուրջ ցանկապատի տեղադրումը «կարող է մեծացնել ռիսկը»։