Պարագվայում առգրավվել է Բրազիլիա առաքվող 57 տոննա մարիխուանա

Պարագվայի իշխանություններն առգրավել են 57 տոննա մարիխուանա՝ 22 միլիոն դոլար արժողությամբ: Թմրավաճառներն այդ բեռն ուղարկում էին Բրազիլիա։ Այդ մասին հայտնել է Պարագվայի նախագահ Սանտյագո Պենյան X սոցիալական ցանցում։

Պենյան ասել է, որ իրավապահ մարմինները թմրանյութերը հայտնաբերել են «Մարանգատու» կոչվող գործողության արդյունքում։

«Այս գործողության արդյունքում առգրավվել է 57 տոննա սեղմված մարիխուանա, որը պատրաստ էր առաքվել Բրազիլիայի շուկա՝ պատճառելով ավելի քան 22 միլիոն դոլարի տնտեսական վնաս այս հանցավոր կազմակերպությանը», – գրել է նա:

Պենյան նաև հավաստիացրել է, որ երկիրը կշարունակի պայքարը թրմանյութերի մաքսանենգությամբ զբաղվող խմբերի դեմ։ 

Published by Armenpress, original at https://armenpress.am/hy/article/1208304

Gracias al trabajo conjunto de la SENAD y el CODI, logramos un importante golpe contra el crimen organizado a través de la Operación Marangatu. Esta acción permitió la incautación de 57 toneladas de marihuana prensada, que estaban listas para ser enviadas al mercado brasileño,… pic.twitter.com/4bH74mPFHR

— Santiago Peña (@SantiPenap) December 24, 2024