Armhanq.com ՀԱՅԱՍՏԱՆԻ ՀԱՆՔԱՐԴՅՈՒՆԱԲԵՐՈՒԹՅԱՆ ԵՎ ՄԵՏԱԼՈՒՐԳԻԱՅԻ ԱՍՈՑԻԱՑԻԱ
Հայաստանը Ադրբեջանի կողմից իր գյուղերի օկուպացված տարածքների հարցը երբեք օրակարգից չի հանել և չի հանելու: Այդ մասին վստահեցրեց Հայաստանի վարչապետ Նիկոլ Փաշինյանը խորհրդարանում լրագրողների հետ զրույցում:
Անդրադառնալով հարցին, թե արդյոք բանակցային սեղանին հարց դրվա՞ծ է, որ մինչև խաղաղության պայմանագրի կնքումը ադրբեջանական ուժերը պետք է դուրս գան Հայաստանի օկուպացված տարածքներից՝ Փաշինյանն ասաց. «Մենք Հայաստանի 32+1 գյուղերի օկուպացված տարածքների հարցը երբեք օրակարգից չենք հանել և չենք հանելու։ Հիմա Հայաստանի և Ադրբեջանի սահմանազատման հանձնաժողովները համաձայնեցնում են իրենց համատեղ աշխատանքի կանոնակարգը, որը պետք է ստորագրվի, ապա անցնի ներպետական ընթացակարգերով: Եվ այդ կանոնակարգի հիման վրա պետք է շարունակվի սահմանազատումը:
«Թե որտեղ պետք է շարունակվի սահմանազատումը, պետք է ձևավորվի կոնսենսուս, այսինքն՝ համատեղ որոշումով կշարունակենք սահմանազատման գործընթացը»,– ասաց վարչապետը:
