Armhanq.com ՀԱՅԱՍՏԱՆԻ ՀԱՆՔԱՐԴՅՈՒՆԱԲԵՐՈՒԹՅԱՆ ԵՎ ՄԵՏԱԼՈՒՐԳԻԱՅԻ ԱՍՈՑԻԱՑԻԱ
Լոռու և Տավուշի մարզերում տեղի ունեցած հեղեղումների հետևանքով վնասված երկաթուղու կառուցման աշխատանքները շարունակվում են։
Կառավարության նիստին այդ մասին ասաց ՀՀ տարածքային կառավարման և ենթակառուցվածքների նախարար Գնել Սանոսյանը։
«Երկաթուղու հետ կապված ակտիվ աշխատանքը շարունակվում է։ Այնտեղ լավ տեմպով առաջ ենք գնում, որպեսզի օր առաջ երկաթուղին աշխատի»,- ասաց Սանոսյանը։
Վարչապետ Նիկոլ Փաշինյանը իր հերթին նշեց, որ երկաթգծի լիարժեք վերականգնման ուղղությամբ ռուսաստանցի գործընկերները լայնածավալ աշխատանք են իրականացնում։
Ավելի վաղ, ՀՀ կառավարության նիստին Տարածքային կառավարման և ենթակառուցվածքների նախարար Գնել Սանոսյանը հայտնել էր, որ երկաթուղու տարբեր հատվածներում վնասները մոտ 2 կիլոմետրի են հասնում։
