Կայունացման և զարգացման եվրասիական հիմնադրամն աջակցում է մեր երկրի ոռոգման համակարգի արդիականացմանը

Կայունացման և զարգացման եվրասիական հիմնադրամը (ԿԶԵՀ) Հայաստանում մի շարք նախագծել է ֆինանսավորել: Նախապատրաստվում է 100 մլն դոլար արժողությամբ հերթական նախագիծը։ Հիմնադրամն աջակցում է առավել կարևոր, ռազմավարական ներդրումային ուղղություններին:

«Ռոսիա 24» հեռուստաալիքով հեռարձակված հաղորդման համաձայն՝ այժմ ընթանում է 100 մլն դոլարի հերթական ֆինանսական վարկի նախապատրաստումը։ Իսկ ընդհանուր առմամբ՝ Հայաստանում հիմնադրամի պորտֆելում կա 10 նախագիծ՝ 500 մլն դոլար ընդհանուր գումարի չափով։ Արդեն ֆինանսավորվել է «Հյուսիս- Հարավ» ՄՏՄ ավտոմոբիլային ճանապարհի չորրորդ հերթի շինարարությունը։ Եվս 40 մլն դոլար է ծախսվել երկրի ոռոգման համակարգի արդիականացման համար։ Աշխատանքներն ավարտական փուլում են։

Ինչպես պատմել է Կայունացման և զարգացման եվրասիական հիմնադրամի (ԵՖՍՀ) նախագծային բլոկի գործադիր տնօրեն Անդրեյ Շիրոկովը, ոռոգման համակարգը Հայաստանի տնտեսական զարգացման կարևորագույն հատվածներից մեկն է:

«ՀՆԱ-ի ավելի քան 10%-ը գոյանում է հենց Հայաստանի գյուղատնտեսության շնորհիվ։ Շուրջ 300 հազար տնային տնտեսություններ ներգրավված են գյուղատնտեսության ոլորտում։ Եվս մեկ մեծ և շատ կարևոր նախագիծ, որը մենք ֆինանսավորում ենք Հայաստանում, «Հյուսիս – Հարավ” ՄՏՄ-ի մի քանի հատվածներն են, որը կարևոր տարանցիկ միջանցք Է հանրապետության համար: Մենք ունենք մի շարք նախագծեր սոցիալական ոլորտում. դա և առողջապահությունն է, և սոցիալական նշանակության օբյեկտների էներգաարդյունավետությունը»,- հավելել է Շիրոկովը:

Կայունացման և զարգացման եվրասիական հիմնադրամը 8,513 մլրդ ԱՄՆ դոլար ծավալով տարածաշրջանային ֆինանսական մեխանիզմ է, որը հիմնադրվել է 2009 թվականին Հայաստանի, Բելառուսի, Ղազախստանի, Ղրղզստանի, Ռուսաստանի և Տաջիկստանի կողմից: Հիմնադրամը ստեղծվել է բացասական ճգնաժամային հետևանքների հաղթահարման, երկարաժամկետ կայունության ապահովման և հիմնադրամի մասնակից պետությունների տնտեսությունների ինտեգրմանն աջակցելու նպատակով:

Հիմնադրամը մասնակից պետություններին տրամադրում է հետեւյալ աջակցությունը. կառավարություններին ֆինանսական վարկեր ՝ մասնակից պետությունների բյուջեներին եւ (կամ) վճարային հաշվեկշիռներին աջակցելու համար, ներդրումային վարկեր՝ մասնակից պետություններին կամ ընկերություններին, դրամաշնորհներ՝ սոցիալական ոլորտում պետական ծրագրերի ֆինանսավորման համար։