Armhanq.com ՀԱՅԱՍՏԱՆԻ ՀԱՆՔԱԳՈՐԾՆԵՐԻ ԵՎ ՄԵՏԱԼՈՒՐԳՆԵՐԻ ՄԻՈՒԹՅԱՆ
Կսահմանվի, թե Հայաստանում որ պետական մարմինն է վարելու եւ գրանցելու դեղերի ե կերային հավելումների ցուցակը, որոնք օգտագործվում են ԵԱՏՄ անդամ երկրների անասնապահության մեջ։ Այս մասին Ազգային ժողովի նիստում, «Սննդային արտադրանքի անվտանգության պետական վերահսկման մասին» օրենքում եւ կից օրենքներում փոփոխություններ եւ լրացումներ կատարելու մասին օրինագծերի փաթեթի քննարկման ժամանակ, ապրիլի 9-ին ասել է էկոնոմիկայի փոխնախարար Տաթեւիկ Սարգսյանը։
Հենց այդ պատճառով, ինչպես նշել է փոխնախարարը, գրանցումն առ այսօր չի իրականացվել։ «Այդ պատճառով տնտեսվարող սուբյեկտները ֆինանսական խնդիրներ են ունեցել։ Իսկ նախագիծը կօգնի որոշել, թե որ պետական մարմինը պետք է կատարի գրանցման իրականացման եւ ցուցակի վարման լիազորությունները»,- նշել է Սարգսյանը։
Նրա խոսքով՝ օրենսդրական նախաձեռնությունն ուղղված է այն բանին, որպեսզի բարձրացվի արդյունավետությունը կերերի անվտանգության եւ ֆիտոսանիտարիայի ոլորտում։
