Նոյեմբերյան քաղաքի 50 ակտիվ քաղաքացիներ մարտի 10-ին մասնակցելով «Ինչ, որտեղ, երբ» խաղ-միջոցառմանը՝ ԱՅՈ ասեցին «365 օր՝ կանանց իրավունքների օր» կարգախոսին:
Հայկական Ազգային ԵԿՔԱ-ի նախաձեռնությանը միացան 5 թիմեր, հյուրեր Նոյեմբերյան համայնքի տարբեր կառույցներից և արցախցի երիտասարդ կանայք, ովքեր նույնպես ներգրավվեցին թիմերում:
Այդ թիմերն էին՝ Նոյեմբերյանի Նիկոլայ Նասիբյանի անվան բժշկական կենտրոնի բժիշկների «Հիպոկրատ», մանկավարժների «Երեքնուկ», ՀԿ-ների «Լուսածիր», «Սարգիս Զուրաբյան վարժարան»-ի «Գարուն» և մշակույթի, կրթության ոլորտի ու ակտիվ քաղաքացիների «Արևածաղիկ» թիմերը:
Արտամրցութային կարգով միջոցառման բոլոր փուլերում ներգարվված էր ԵԿՔԱ-ի «Լավ թիմը»:
Միջոցառման կազմակերպմանը խորհրդատվությամբ և որպես ժյուրի մասնակցում էին Նոյեմբերյանի ՆԻԿԱ ինտելեկտուալ ակումբի անդամներ՝ Կամո Խաչիկյանը, Նաիրա Անանյանը և նիկա ակումբի նախագահ՝ Արմեն Ամիրաղյանը։
Խաղը վարում էր Սիրանուշ Ամիրաղյանը, իսկ նրան օգնում էին Մանեն և Գոհարը։
Խաղարկվեց 18 հարց, հաղթող ճանաչվեց և փոխանցիկ գավաթին արժանացավ «Լուսածիր» թիմը:
Միջոցառման բոլոր մասնակիցներին գեղեցիկ անակնկալ մատուցեց Նոյեմբերյանի համայնքապետը, հաղթող թիմի համար սահմանել էր մրցանակ՝ Աշոտ Աղաբաբյանի «Սև հովազ» երկահատոր գրքերը, իսկ բոլոր մասնակից կանանց համար ծաղիկներ:
Համայնքապետարանի ներկայացուցիչները՝ ԿԵՀԽՄ համակարգող Անահիտ Փարսադանյանը և համանքապետի տեղակալ Սամվել Բուդաղյանը ողջունեցին մասնակիցներին և արժևորեցին հատկապես նմանտիպ ձևաչափով հանրային իրազեկության բարձրացումը, համայնքում կանանց իրավունքերի իրացումը:
Բոլոր թիմերը ստացան միջոցառման մասնակցության վկայական, խրախուսական-թեմատիկ նվերներ՝ ֆեմինիստական գրքեր, խնամքի պարագաներ:
Արտամրցութային կարգավիճակով միջոցառմանը մասնակցում էր ԵԿՔԱ-ի «Լավ թիմը», որի անդամները նույնպես ստացան նվեր-մրցանակ՝ համերգի տոմսեր՝ միջոցառումն արդյունավետ կազմակերպելու և խաղում ակտիվ ներգրավվելու համար:
Միջոցառումն ուղեկցվեց տպավորիչ գեղարվեստական համարներով, որը իրականացվեց մրցույթի արդյունքները ամփոփելուց հետո՝ հյուրասիրությանը զուգահեռ:
Մասնակիցներին ողջունեցին՝ կիթառահար Կարինե Ալեքսանյանը, ասմունքող-հանդիսավար Լիանա Զուրաբյանը, Նաիրա Աբրահամյանը, ասմունքեցին նաև վաստակաշատ ուսուցչուհիներ Էլմիրա Ամիրաղյանը, Անահիտ Ղարախանյանը, երգով հանդես եկավ Մարիամ Անտոնյանը և դաշնակահարուհի Գայանե Խաչիկյանը:
Շնորհակալություն բոլոր մասնակիցներին՝ միջոցառման թեման արժևորելու համար:
Կազմակերպչական աշխատանքները արդյունավետ իրականացնելու համար շնորհակալություն ԵԿՔԱ-ի «Լավ թիմի» անդամներ՝ Մարգարիտին, Ժեննիին, Արմինեին և, իհարկե՝ Սիրանուշին ու Արմեն Ամիրաղյանին՝ հարցաշարը կազմելու, խաղը գեղեցիկ վարելու և ժյուրիի աշխատանքը իրականացնելու համար:
Միջոցառման ֆինանսական աջակցության համար երախտապարտ ենք մեր լավ գործընկերոջը՝ Հայաստանում Կանանց Հիմնադրամին՝ Women’s Fund Armenia։ – Հայաստանում կանանց հիմնադրամ-ին։
YWCA of Armenia-ի նախագահ Աիդա Զուրաբյան