Armhanq.com ՀԱՅԱՍՏԱՆԻ ՀԱՆՔԱԳՈՐԾՆԵՐԻ ԵՎ ՄԵՏԱԼՈՒՐԳՆԵՐԻ ՄԻՈՒԹՅԱՆ
Հավայան Մաուի կղզում մոլեգնող անտառային հրդեհների զոհերի թիվը հասել է 36-ի։ Մահվան դեպքերը գրանցվել են Լահայնա զբոսաշրջային քաղաքում, որը հրդեհների պատճառով գրեթե գետնին է հավասարվել։ Այդ մասին հաղորդում է BBC-ն։
Հազարավոր մարդիկ տարհանվել են, հայտարարվել է արտակարգ դրության ռեժիմ։ Որոնողափրկարարական լայնածավալ աշխատանքներ են ընթանում. որոշ մարդիկ դեռ անհետ կորած են։
Հրդեհաշիջման աշխատանքներում ներգրավված են նաև ուղղաթիռներ։
Հրդեհները Մաուիում մոլեգնում են օգոստոսի 8-ից։ Տասնյակ մարդիկ վիրավորվել են, հիվանդանոցները գերբեռնված են։
Ավելի վաղ հայտնի էր դարձել հրդեհներն ավելի են ուժգնացել «Դորա» փոթորկի պատճառով։ ԱՄՆ նախագահ Ջո Բայդենը հայտարարել է, որ Հավայան կղզիներ կուղարկվեն բոլոր հասանելի դաշնային միջոցները՝ աջակցելու կրակի դեմ պայքարի և փրկարարական աշխատանքների հարցում։
