Ուժգին երկրաշարժ Ալմաթիում

Ալմաթիում տեղի ժամանակով ժամը 11.32-ին տեղի է ունեցել ուժգին երկրաշարժ, փոխանցում է «Ինտերֆաքս Ղազախստանը»: 
Ինչպես հաղորդվում է, մեկ րոպե անց քաղաքում միացվել են տեղեկացման համակարգերը, հնչել ազդանշաններ։ Մարդիկ դուրս են եկել փողոցներ:

Եվրոպական-միջերկրածովյան սեյսմոլոգիական կենտրոնի (EMSC) տվյալներով՝ ստորգետնյա ցնցումների ուժգնությունը կազմել է 5,4 բալ։ Ղազախստանի արտակարգ իրավիճակների նախարարությունը նշում է, որ երկրաշարժի էպիկենտրոնը գտնվել է Ալմաթիից 31 կիլոմետր հեռավորության վրա, դրա ուժգնությունը կազմել է 6,1 մագնիտուդ, իսկ քաղաքում ցնցումների ուժգնությունը՝ 5 բալ։
Ցնցումները զգացվել են նաև Չինաստանում և Ղրղզստանում: