ՀՀ կրթության տեսչական մարմինը հրավիրում է Հայոց լեզվի և մաթեմատիկայի ուսուցիչների՝ Հայաստանի ամբողջ տարածքում դասալսումներ կազմակերպելու եւ հաշվետվություններ կազմելու համար։
Այս մասին ֆեյսբուքյան իր էջում գրել է Կրթության տեսչական մարմնի ղեկավարի տեղակալ Ռաիսա Գալստյանը։
Անհրաժեշտ պայմաններն են․
-Բարձրագույն մանկավարժական կրթություն՝ համապատասխան որակավորմամբ:
-Վերջին տասը տարվա ընթացքում տվյալ առարկայի (ըստ դիպլոմում նշված որակավորման) ուսուցչական գործունեության առնվազն 5 տարվա աշխատանքային ստաժ
-կամ վերջին տասը տարվա ընթացքում տվյալ առարկային վերաբերող գիտամանկավարժական գործունեության առնվազն 2 տարվա աշխատանքային ստաժ
-կամ վերջին տասը տարվա ընթացքում տվյալ առարկայի դասավանդման մեթոդաբանության մշակման և (կամ) ուսուցիչների մասնագիտական կարողությունների բարձրացմանն ուղղված վերապատրաստման դասընթացների վարման փորձ:
Մանկավարժական նորարարական մեթոդների իմացություն, վերլուծական հմտություններ, տեղեկատվությունն առանձնացնելու և ընդհանրացնելու ունակություն, իրականացված աշխատանքների վերաբերյալ հաշվետվություններ և եզրակացություններ կազմելու հմտություն։
Ինքնակենսագրականները կարող եք ուղարկել [email protected] հասցեին։
Դիտարկվելու են բոլոր հայտերը։
Աշխատանքի վարձատրությունը՝ արժանապատիվ։