ԱՄԷ-ն $27 մլրդ ակտիվներ ունեցող ընկերություն են հիմնում

Աբու Դաբիի բորսայում ցուցակված խոշորագույն ընկերությունը, որը գլխավորում է էմիրության թագավորական ընտանիքի առանցքային անդամը, $27 միլիարդ ակտիվներ (ֆինանսական ծառայություններից մինչեւ հանքարդյունաբերություն) ունեցող հոլդինգային ընկերություն կհիմնի:

2PointZero անվանմամբ նոր ընկերությունը կփոխանցվի Abu Dhabi International Holding Co-ին (IHC), որի շրջանառությունը գնահատվում է $239 միլիարդ։ Նրա ակտիվները ներառելու են Շեյխ Թահնուն բին Զայեդ Ալ Նահյանի կայսրության մասերը, հաղորդում է Bloomberg-ը:

Շեյխ Թահնուն բեն Զայեդ Ալ Նահյանը երկրի նախագահի եղբայրն է եւ զբաղեցնում է ԱՄԷ-ի ազգային անվտանգության խորհրդականի պաշտոնը: Bloomberg-ը գրում է, որ նա դե ֆակտո «Ալ Նահյան ընտանիքի բիզնես ղեկավարն է»։ Ըստ գործակալության տվյալների, տարիների ընթացքում նա դարձել է աշխարհի ամենահզոր գործարարներից մեկը, եւ այժմ գլխավորում է երկու բարեկեցության հիմնադրամներ եւ $300 միլիարդ դոլար շրջանառությամբ մասնավոր ներդրումային ընկերություն։