Առաջինն Ամերիաբանկն է․ խոշոր հարկատու բանկերի մուծման ծավալն աճել է 25.69%-ով

Պետական եկամուտների կոմիտեն հրապարակել է 2025թ. հունվար-մարտ ամիսների 1,000 խոշոր հարկ վճարողների ցանկը և նրանց կողմից վճարված հարկերի և տուրքերի ցուցանիշները։ Այս մասին տեղեկանում ենք ՊԵԿ-ից։ Խոշոր հարկատուների ցուցակում ներկայացված են Հայաստանում գործող առևտրային բանկերը, ինչպես նաև ՀՀ Կենտրոնական բանկը։

2025թ. հունվար-մարտ ամիսների արդյունքներով բանկային համակարգի առաջատար հարկատուն Ամերիաբանկն է։ Բանկի կողմից մուծված հարկերի ծավալը կազմել է 3.442 մլրդ դրամ՝ 2024թ. համադրելի ցուցանիշի համեմատ աճելով 284.13 մլն դրամով կամ 9.00%-ով։ Բանկն ընդհանուր ցուցակի 12-րդ հորիզոնականում է։

Արդշինբանկը երկրորդն է՝ 3.326 մլրդ դրամ հարկով։ 2024թ. համադրելի ցուցանիշի համեմատ արձանագրվել է աճ 948.42 մլն դրամով կամ 39.88%-ով։ Բանկն ընդհանուր ցուցակի 16-րդ հորիզոնականում է։

Երրորդ տեղում է ԱյԴի Բանկը, որը մուծել է 3.269 մլրդ դրամ։ Սա նախորդ տարվա նույն ժամանակահատվածի համեմատ աճել է 2.30 մլրդ դրամով կամ 237.13%-ով։ Բանկը զբաղեցնում է ընդհանուր ցուցակի 17-րդ հորիզոնականը։

ԱԿԲԱ Բանկը չորրորդ տեղում է՝ 3.267 մլրդ դրամ հարկային մուտքերով։ 2024թ․ համադրելի ցուցանիշի համեմատ արձանագրվել է աճ 82.12 մլն դրամով կամ 2.58%-ով։ Բանկն ընդհանուր ցուցակի 18-րդ հորիզոնականում է։

Արմսվիսբանկը հինգերորդ հորիզոնականում է՝ վճարած 2.204 մլրդ դրամ հարկով։ 2024թ. համադրելի ցուցանիշի համեմատ արձանագրվել է աճ 1.58 մլրդ դրամով կամ 253.21%-ով։ Բանկն ընդհանուր ցուցակում 29-րդ հորիզոնականում է։

Վեցերորդ տեղում է Էվոկաբանկը, որը մուծել է 1.716 մլրդ դրամ։ 2024թ. համանման ցուցանիշի համեմատ արձանագրվել է աճ 316.16 մլն դրամով կամ 22.59%-ով։ Բանկն ընդհանուր ցուցակի 42-րդ հորիզոնականում է։

Ինեկոբանկը յոթերորդ տեղում է՝ 1.621 մլրդ դրամ վճարված հարկով։ Սա 2024թ. համադրելի ցուցանիշի համեմատ աճել է 158.04 մլն դրամով կամ 10.80%-ով։ Բանկը զբաղեցնում է ընդհանուր ցուցակի 44-րդ հորիզոնականը։

Ութերորդ տեղում է Յունիբանկը՝ մուծած 1.326 մլրդ դրամ հարկ։ Սա նախորդ տարվա համեմատ նվազել է 940.41 մլն դրամով կամ -41.48%-ով։ Բանկը զբաղեցնում է ընդհանուր ցուցակի 55-րդ հորիզոնականը։

Իններորդ տեղում է ԱՄԻՕ Բանկը (ՓԲԸ)՝ մուծած 1.308 մլրդ դրամ հարկ։ 2024թ. համադրելի ցուցանիշի համեմատ արձանագրվել է աճ 216.08 մլն դրամով կամ 19.79%-ով։ Բանկը զբաղեցնում է ընդհանուր ցուցակի 58-րդ հորիզոնականը։

Կոնվերս Բանկը եզրափակում է առաջատար տասնյակը՝ մուծած 1.307 մլրդ դրամ հարկով։ Սա 2024թ. համադրելի ցուցանիշի համեմատ աճել է 29.53 մլն դրամով կամ 2.31%-ով։ Բանկը գտնվում է ընդհանուր ցուցակի 59-րդ հորիզոնականում։

Հայէկոնոմբանկը տասնմեկերորդ տեղում է՝ մուծած 1.196 մլրդ դրամ հարկ։ Նախորդ տարվա համեմատ արձանագրվել է աճ՝ 59.29 մլն դրամով կամ +5.22%։ Ընկերությունը գտնվում է ընդհանուր ցուցակի 64-րդ հորիզոնականում։

Արարատբանկը 2025թ․ հունվար-մարտ ամիսներին մուծել է 1.145 մլրդ դրամ հարկ։ 2024թ․ նույն ժամանակահատվածում մուծել էր 1.01 մլրդ դրամ։ Աճը կազմել է 133.89 մլն դրամ կամ +13.24%։ Ընկերությունը գտնվում է ընդհանուր ցուցակի 67-րդ հորիզոնականում։

ՎՏԲ-Հայաստան Բանկը 2025թ․ հունվար-մարտ ամիսներին մուծել է 989.47 մլն դրամ հարկ։ 2024թ. նույն ժամանակահատվածում մուծել էր 803.90 մլն դրամ։ Աճը կազմել է 185.57 մլն դրամ կամ +23.08%։ Ընկերությունը գտնվում է ընդհանուր ցուցակի 75-րդ հորիզոնականում։

Ֆասթ Բանկը 2025թ․ հունվար-մարտ ամիսներին մուծել է 853.96 մլն դրամ հարկ։ 2024թ. նույն ժամանակահատվածում մուծել էր 513.10 մլն դրամ։ Աճը կազմել է 340.86 մլն դրամ կամ +66.43%։ Ընկերությունը գտնվում է ընդհանուր ցուցակի 93-րդ հորիզոնականում։

Արդշինինվեստբանկը (նախկինում ԷՅՉ-ԷՍ-ԲԻ-ՍԻ Բանկ Հայաստան) 2025թ․ հունվար-մարտ ամիսներին մուծել է 523.01 մլն դրամ հարկ։ 2024թ. նույն ժամանակահատվածում մուծել էր 611.23 մլն դրամ։ Գրանցվել է անկում՝ 88.22 մլն դրամով կամ -14.43%։ Ընկերությունը գտնվում է ընդհանուր ցուցակի 149-րդ հորիզոնականում։

Արցախբանկը 2025թ․ հունվար-մարտ ամիսներին մուծել է 351.76 մլն դրամ հարկ։ 2024թ. նույն ժամանակահատվածում մուծել էր 244.34 մլն դրամ։ Աճը կազմել է 107.42 մլն դրամ կամ +43.96%։ Ընկերությունը գտնվում է ընդհանուր ցուցակի 211-րդ հորիզոնականում։

Բիբլոս Բանկ Արմենիան 2025թ․ հունվար-մարտ ամիսներին մուծել է 275.34 մլն դրամ հարկ։ 2024թ. նույն ժամանակահատվածում մուծել էր 216.66 մլն դրամ։ Աճը կազմել է 58.68 մլն դրամ կամ +27.09%։ Ընկերությունը գտնվում է ընդհանուր ցուցակի 286-րդ հորիզոնականում։

Մելլաթ Բանկը 2025թ․ հունվար-մարտ ամիսներին մուծել է 158.25 մլն դրամ հարկ։ 2024թ. նույն ժամանակահատվածում մուծել էր 148.51 մլն դրամ։ Աճը կազմել է 9.74 մլն դրամ կամ +6.56%։ Ընկերությունը գտնվում է ընդհանուր ցուցակի 487-րդ հորիզոնականում։

2025թ. հունվար-մարտ ամիսներին առևտրային բանկերի կողմից վճարված հարկերը կազմել են 28.281 մլրդ դրամ։ 2024թ. համադրելի ցուցանիշների համեմատ արձանագրվել է աճ 25.69%-ով կամ 5.781 մլրդ դրամ։

1,000 խոշոր հարկ վճարողների ցուցակում է նաև ՀՀ կենտրոնական բանկը, որը 2025թ․ հունվար-մարտ ամիսներին մուծել է 636.49 մլն դրամ հարկ, +2.49% կամ 15.47 մլն դրամ։

Բանկերի կողմից մուծված հարկերի ծավալը կազմել է 1,000 խոշոր հարկատուների մուծած հարկերի ծավալի 6.91%, 2024թ.-ի նույն ժամանակահատվածում այս ցուցանիշը 6% էր։

Եթե բանկերի կողմից մուծված հարկերը ներկայացնենք ԱՄՆ դոլարով (ԿԲ փոխարժեքը 28/02/25 դրությամբ՝ 389.46 դրամ), բանկերի կողմից վճարվել է 72.61 մլն դոլար հարկ։ 

2025թ. հունվար-մարտին ծավալի ցուցանիշով ամենամեծ աճն արձանագրել է IDBank-ը՝ +2.3 մլրդ դրամ։ Տոկոսային ցուցանիշով նույնպես առաջատար է ԱյԴի Բանկը՝ +237.13%։

ՀՀ խոշոր հարկատու բանկեր. 2025թ. հունվար-մարտ

No	Անվանում	Հարկ*
12	ԱՄԵՐԻԱԲԱՆԿ	3,442,360
16	ԱՐԴՇԻՆԲԱՆԿ	3,326,445
17	ԱյԴի Բանկ	3,269,229
18	ԱԿԲԱ ԲԱՆԿ	3,267,398
29	ԱՐՄՍՎԻՍԲԱՆԿ	2,204,695
42	ԷՎՈԿԱԲԱՆԿ	1,715,636
44	ԻՆԵԿՈԲԱՆԿ	1,621,053
55	ՅՈՒՆԻԲԱՆԿ	1,326,467
58	ԱՄԻՕ ԲԱՆԿ ՓԲԸ	1,308,160
59	ԿՈՆՎԵՐՍ ԲԱՆԿ	1,306,876
64	ՀԱՅԷԿՈՆՈՄԲԱՆԿ	1,195,796
67	ԱՐԱՐԱՏԲԱՆԿ	1,145,412
75	ՎՏԲ-ՀԱՅԱՍՏԱՆ ԲԱՆԿ	989,469
93	ՖԱՍԹ ԲԱՆԿ	853,959
149	ԱՐԴՇԻՆԻՆՎԵՍՏԲԱՆԿ (HSBC)	523,008
211	ԱՐՑԱԽԲԱՆԿ	351,758
286	ԲԻԲԼՈՍ ԲԱՆԿ ԱՐՄԵՆԻԱ	275,339
487	ՄԵԼԼԱԹ ԲԱՆԿ