«Հայաստանի հանքագործների և մետալուրգների միություն» ՀԿ-ի և «Ռուսաստանի հանքագործներ» ասոցիացիայի միջև օրերս կնքվել է գործակցության համաձայնագիր։
Այն միտված է նպաստելու երկու երկրների ընդերքի օգտագործման, հողօգտագործման, քաղաքաշինության զարգացմանը, ինչպես նաև այդ ոլորտներում պետական կարգավորող համակարգի կատարելագործմանը և հանքային ռեսուրսի ներդրումային գրավչության զարգացմանը:
Կողմերը վստահ են, որ այս գործակցության շնորհիվ կբարձրանա հանքարդյունաբերության և մետալուրգիայի ոլորտում նորարարությունների ներդրման մատչելիությունը, կանցկացվեն համատեղ գիտական և գործնական սեմինարներ և գիտաժողովներ, կխթանվի երկրների ընդերքօգտագործման ժամանակակից տեխնոլոգիաների, մշակումների և առաջադեմ լուծումների ներդրումը։
Գործակցության համաձայնագիրը վավերացրել են «Հայաստանի հանքագործների և մետալուրգների միության» նախագահ Վարդան Ջհանյանը և «Ռուսաստանի հանքագործներ» ասոցիացիայի գործադիր տնօրեն Անատոլի Նիկիտինը։