ՈՒԵՖԱ-ն գործ է հարուցել ՀՖՖ-ի և Ալեքսանդր Պետրակովի, ինչպես նաև Խորվաթիայի ֆեդերացիա դեմ

ՈՒԵՖԱ-ն սեպտեմբերի 11-ին Երևանում կայացած Հայաստան-Խորվաթիա ֆուտբոլային հանդիպման հետ կապված գործեր է հարուցել Հայաստանի և Խորվաթիայի ֆուտբոլի ֆեդերացիաների, ինչպես նաև Հայաստանի հավաքականի գլխավոր մարզիչ Ալեքսանդր Պետրակովի դեմ, տեղեկանում ենք ՈՒԵՖԱ-ի կայքից։ Գրում է Factor.am-ը։

Նշվում է, որ ՀՖՖ-ն մեղադրվում է հասարակական անցումների արգելափակման, քաղաքական բնույթի սադրիչ ուղերձի, պիրոտեխնիկայի և հանդիպման ուշ մեկնարկի համար։ Հավաքականի գլխավոր մարզիչ Ալեքսանդր Պետրակովը ևս մեղադրվում է հանդիպումը ուշացնելու մեջ։

Խորվաթիայի ֆուտբոլի ֆեդերացիան էլ մեղադրվում է երկրպագուների անկարգությունների համար։