2025-ին կթողարկվեն ծալովի iPhone-ներ և iPad-ներ

Ծալովի iPad-ը կարող է հայտնվել արդեն 2024թ., ըստ վերջին լուրերի, բայց 2025թ. ավելի իրատեսական է թվում: Apple-ը որոշ ժամանակ ուսումնասիրում էր ծալովի iPhone-ների ու iPad-ների ստեծման հնարավորությունը, սակայն ծալովի սարքերի առնչությամբ ոլորտի սկզբնական փորձը նշանավորվեց անհաջողություններով, օրինակ՝ Samsung-ի Galaxy Fold-ը:

Ակնկալվում է, որ Apple-ը ծալովի iPhone-ից առաջ կներկայացնի ծալովի iPad: Այս սարքի բնույթը դեռևս վիճարկվում է, քանի որ այն կարող է լինել iPhone-ի չափ, երբ ծալված է և ընդլայնվել մինչև ավելի մեծ էկրան, քան Apple-ի ներկայիս 12,9 դյույմանոց iPad-ը: Digitimes-ի նոր զեկույցը ենթադրում է, որ թեև 2024թ.-ի թողարկումը հնարավոր է, 2025թ.-ի թողարկումն ավելի հավանական:

Հաղորդվում է, որ Apple-ն աշխատում է մատակարարների հետ ծալովի iPad-ի վրա, որի փոքրածավալ արտադրությունը կարող է սկսվել մինչև 2024թ. վերջը: Դիզայնը վերջնական տեսքի չի բերվել, սակայն զանգվածային արտադրությունը կարող է սկսվել նաև մինչև 2024թ. վերջը: Այս ժամանակացույցը ենթադրում է հայտարարություն 2024թ.-ի վերջին կամ 2025թ.-ի սկզբին, ինչը ենթադրում է, որ 2025թ.-ին մեկնարկն ավելի հավանական է:

Դիզայներական հիմնական խնդիրն է ընտրել երկու առանձին էկրանների կամ մեկ ճկուն էկրանի միջև: Apple-ը հակված է վերջին տարբերակին, թեև ծալքի հետ կապված մտահոգությունները մնում են: Ծխնի մեխանիզմը ևս մեկ խոչընդոտ է, քանի որ Apple-ը նպատակ ունի պարզեցնել դիզայնը և նվազեցնել մասերի քանակը:

Թեև առանձնահատկությունները ենթադրական են, հավանական է, որ ծալովի iPad-ը կնախորդի ծալվող iPhone-ին, ինչը թույլ կտա Apple-ին փորձարկել և կատարելագործել տեխնոլոգիան ավելի ցածր պրոֆիլի արտադրանքում՝ նախքան այն ներդնելը շատ սպասված ծալովի iPhone-ում: Ինչ վերաբերում է թողարկման ամսաթվին, ապա 2025թ. ավելի հավանական է թվում, քան 2024թ.: