Եվրախորհրդարանը պաշտպանել է Եվրահանձնաժողովի առաջարկը՝ 2024 թվականին պաշտպանության համար ավելի շատ միջոցներ հատկացնելու մասին, հայտնում է Euractiv-ը։
«Խորհրդարանի ներկայացուցիչները բանակցություններում ցանկանում են հասնել Պաշտպանության եվրոպական հիմնադրամի 625 միլիոն եվրոյով ավելացմանը, ինչպես նաև ևս 45 միլիոն եվրոյի հատկացմանը ռազմական շարժունակության ծրագրերին»,- տեղեկացնում է պարբերականը, որը քաջատեղյակ է ԵՄ 2024թ․ բյուջեի մասին համաձայնագրին։
Հաղորդվում է, որ խոսքը վերաբերում է այն համաձայնագրին, որը լրացնում է Եվրահանձնաժողովի կողմից ի սկզբանե ներկայացված բյուջեն։ Եթե Խորհուրդը աջակցի խորհրդարանի և հանձնաժողովի առաջարկին, ապա 2024 թվականին Պաշտպանության եվրոպական հիմնադրամի բյուջեն կկազմի 1,263 միլիարդ եվրո, իսկ ռազմական շարժունակության ծրագրերը՝ 286 միլիոն եվրո։
Հունիսին ԵՀ-ն ընդգծել էր, որ Ուկրաինային աջակցելու և ուկրաինացի փախստականներին ընդունելու հետագա շարունակումը կգնահատվի ԵՄ 2021-2027 թվականների բազմամյա բյուջեի վերանայման ժամանակ: