Հայաստանում արտահանումն աճել է 2.5 անգամ

2024թ.-ի հունվար-մայիսին Հայաստանի և այլ երկրների միջև արտաքին առևտրաշրջանառության ծավալը կազմել է 16,343.8 մլն ԱՄՆ դոլար։ 2023թ. համադրելի ցուցանիշի համեմատ արձանագրվել է աճ 2.2 անգամ: Այդ մասին տեղեկանում ենք ՀՀ վիճակագրական կոմիտեից:

Ըստ ներկայացված տվյալների՝ հաշվետու ժամանակահատվածում գործընկեր երկրների հետ առևտրային հարաբերություններում ներմուծումը գերազանցել է արտահանումը 2,207․2 մլն ԱՄՆ դոլարով:

Այսպես, 2024թ.-ի հունվար-մայիսին Հայաստանն արտահանել է 7,068.3 մլն ԱՄՆ դոլարի արտադրանք և այլ երկրներից ներմուծել 9,275.5 մլն ԱՄՆ դոլարի արտադրանք:

Հարկ է նշել, որ հաշվետու ամիսներին, նախորդ տարվա նույն ժամանակահատվածի համեմատ, արտահանման ոլորտում արձանագրվել է աճ՝ 2.5 անգամ, իսկ ներմուծման ոլորտում գրանցվել է աճ՝ 99․6%-ով։