Ադրբեջանում արգելափակվել է OKX եւ ByBit կրիպտոարժույթի բորսաների հասանելիությունը։
«Օրենսդրության պահանջներին համապատասխան, OKX եւ ByBit կրիպտոարժոույթի բորսաների հասանելիությունը սահմանափակված է ազգային մակարդակով: Դրա պատճառը փողերի լվացման եւ ահաբեկչության ֆինանսավորման դեմ պայքարի ոլորտում համապատասխան պահանջների խախտումն է»,- ասվում է Ադրբեջանի թվային զարգացման եւ տրանսպորտի նախարարության էլեկտրոնային անվտանգության ծառայության հաղորդագրության մեջ։
Փետրվարի 21-ից Ադրբեջանում դադարել են գործել OKX եւ ByBit կրիպտոարժույթի բորսաների կայքերը եւ բջջային հավելվածները։