Վանաձորում ձերբակալել են դպրոցի փոխտնօրենին․ նրա մոտ հայտնաբերվել է դեղնականաչավուն զանգվածով կաթուցիչ

Տարոնի քրեական հետախույզները տեղեկություն են իրացրել սեպտեմբերի 3-ին: Երեկոյան ժամը 7.30-ին ձեռնարկած միջոցառումների արդյունքում Վանաձորի Տիգրան Մեծի փողոցում ձերբակալվել և ոստիկանության Տարոնի բաժին է բերվել 43-ամյա մի տղամարդ, որի անձնական խուզարկությամբ հայտնաբերվել է կաթուցիչ` դեղնականաչավուն զանգվածով:

Ոստիկանությունը հայտնում է, որ դպրոցի փոխտնօրեն տղամարդը և կազմված փաստաթղթերը ներկայացվել են Լոռու մարզային քննչական վարչություն: Հանգամանքները պարզվում են: