Ընդունեք շատ հեղուկ․ օդի հարաբերական խոնավությունը խիստ նվազել է

Արևադարձային տաք օդային ալիքների ներթափանցմամբ պայմանավորված՝ օգոստոսի 10-14-ը ցերեկը ժամը 13։00-18։00-ն ընկած ժամանակահատվածում, Արագածոտնի, Կոտայքի և Վայոց ձորի նախալեռներում, Արարատյան դաշտում և Երևանում օդի հարաբերական խոնավությունը կնվազի մինչև 8-10 տոկոս։

Այդ մասին տեղեկանում ենք «Հիդրոօդերևութաբանության և մոնիթորինգի կենտրոն»-ի տարածած հաղորդագրությունից:

Կենտրոնից խորհուրդ են տալիս ջրազրկումից խուսափելու համար հետևել առողջապահության նախարարության հորդորին և ընդունել շատ հեղուկներ: