ՀՀ վարչապետ Նիկոլ Փաշինյանը կառավարության նիստին հանձնարարեց ուժեղացնել վերահսկողությունը հանրային սննդի կետերում ծխելու արգելքի նկատմամբ:
Նա շեշտեց՝ թեպետ օրենքի ուժով արգելվում է հանրային սննդի վայրերում ծխելը, քիչ չեն դեպքերը, երբ օրենքը խախտվում է:
«Մեր նպատակը տուգանքներ գրելը չէ, մեր նպատակն այն է, որ մարդիկ չծխեն: Պետք է պատասխանատվություն դնել նաև սեփականատերերի և աշխատողների վրա, որպեսզի նրանք թույլ չտան ծխել»,-շեշտեց Փաշինյանը և հավելեց՝ խնդիրը ծխող մարդու համար հնարավորինս անհարմար պայմաններ ստեղծելն է:
ՀՀ ներքին գործերի նախարար Վահե Ղազարյանն էլ տեղեկացրեց, որ 2023 թվականի հունվարի 1-ից մինչ այսօր չնախատեսված վայրերում ծխելու համար կազմվել է ընդհանուր 7 հազար 186 վարչական արձանագրություն, որից 790-ը՝ հանրային սննդի օբյեկտներում: