14,2%-ով կրճատվել են ՀՀ միջազգային պահուստները՝ մինչև 3,354 մլրդ դոլար

Հայաստանի միջազգային համախառն պահուստները (ՄՀՊ) մինչեւ 2024թ. հուլիս կրճատվել են տարեկան 14,2%-ով կամ 555 մլն դոլարով՝ մինչև 3.354 մլրդ դոլար, մինչդեռ, մեկ տարի առաջ արձանագրվել էր 13,3% կամ 458.6 մլն դոլարով աճ: Այսպիսով, ՄՀՊ-ն շարունակում է հեռանալ 2023թ. օգոստոսին արձանագրված 4.2 մլրդ դոլար պատմական առավելագույնից: Այդ մասին են վկայում ՀՀ Կենտրոնական բանկի տվյալները:

Դրանց առյուծի բաժինը՝ 3.345 մլրդ դոլար, բաժին է ընկնում արտաքին ակտիվներին, իսկ ԱՄՀ-ում SDR բաժինը կազմել է 7.7 մլն դոլար: Կարգավորիչի հաշվետվության համաձայն,  տարեկան կտրվածքով (2024թ. հունիսին՝ 2023թ. հունիսի համեմատ) ՍԿՎ-ում արտաքին ակտիվները կրճատվել են 14.2% – ով, իսկ ԱՄՀ-ում SDR-ի մասնաբաժինը նվազել է 13.4% – ով, մինչդեռ, մեկ տարի առաջ դիտվել է արտաքին ակտիվների 14% աճ եւ ԱՄՀ-ում SDR-ի անհամեմատ ավելի ծանրակշիռ անկում՝ 68.7%: