Այսօր Հայաստանի գրեթե բոլոր դպրոցներում նշում են «Վերջի զանգի» արարողությունը։ Հնչում են դրվատանքի, մեծարման և հրաժեշտի խոսքեր՝ համեմված հույզերով։ Նոյեմբերյանի ավագանու ՔՊ խմբակցության անդամ Հայկանուշ Բեգլարյանն այս առթիվ, շնորհավորելով շրջանավարտներին, ֆեյսբուքի իր էջում գրել է․
«Սիրելի շրջանավարտնե՛ր, շնորհավորում եմ այս հրաշալի, անմոռանալի և գեղեցիկ օրվա առթիվ:
Այսօր ձեր կյանքի հիշարժան և հաճելի օրերից մեկն է։ «Վերջին զանգի» ղողանջով մուտք կգործեք մի նոր աշխարհ` լի փորձություններով, բայց միևնույն ժամանակ հաճելի ակնթարթներով: Ցանկանում եմ, որ երիտասարդի անփորձությունը երբեք խոչընդոտ չլինի մեծ բարձունքներ գրավելու և բազում հաղթանակների հասնելու ձեր ճանապարհին: Հիշե՛ք` դուք եք մեր երկրի ԱՊԱԳԱՆ, և ձեզնով է պայմանավորված լինելու մեր հայրենիքի հզորությունը։
Հարգելի՛ ուսուցիչներ, հասկանալի է նաև ձեր հուզմունքը: Սակայն զգացվում է նաև այն հպարտությունն ու վստահությունը, որով դուք ճանապարհում եք ձեր աշակերտներին փորձություններով լի կյանք: Վստահ եմ, որ ձեր տված գիտելիքների շնորհիվ մեր շրջանավարտները կկարողանան ճիշտ կողմնորոշվել կյանքի հորձանուտներում:
Սիրելի՛ շրջանավարտներ, կրկին անգամ ի սրտե շնորհավորում եմ բոլորիդ: Մաղթում եմ ձեզ անսահման հաջողություններ, ուժ , կամք ու համբերություն կյանքի ցանկացած բնագավառում։
Բարի երթ ու կանաչ ճանապարհ, սիրելի՛ շրջանավարտներ»: