Առաջին կիսամյակի 1000 խոշոր հարկատուները․ ԶՊՄԿ-ն թոփ 10-ում է

Պետական եկամուտների կոմիտեն հրապարակել է 2025թ. հունվար-հունիս ամիսների Հայաստանի 1,000 խոշոր հարկ վճարողների կողմից վճարված հարկերի և տուրքերի ցուցանիշները։ Այդ մասին տեղեկանում ենք ՊԵԿ-ից։

Առաջատար տասնյակ

Հրապարակված ցուցանիշների համաձայն՝ Հայաստանի խոշոր հարկ վճարողների ցուցակը գլխավորում է Մոբայլ Սենթր Արթը՝ 32.92 մլրդ դրամ, ինչը 2024թ. համադրելի ցուցանիշից ավել է 0.59 մլրդ դրամով կամ 1.82%-ով։ 2024թ. հունվար-հունիսին ընկերությունը զբաղեցրել էր 2-ին հորիզոնականը։

Գրանդ Տոբակոն երկրորդ տեղում է՝ 30.46 մլրդ դրամով։ 2024թ. ցուցանիշի համեմատ արձանագրվել է աճ 6.88 մլրդ դրամով կամ 29.20%-ով։ 2024թ. հունվար-հունիսին ընկերությունը զբաղեցրել էր 4-րդ հորիզոնականը։

Երրորդ տեղում է  Գազպրոմ Արմենիան։ Ընկերության կողմից պետական բյուջե է վճարվել 28.04 մլրդ դրամ, ինչը 2024թ. 27.59 մլրդ դրամ ցուցանիշից ավել է 0.45 մլրդ դրամով կամ 1.64%-ով։ 2024թ. հունվար-հունիսին ընկերությունը նույնպես 3-րդն էր։

Չորրորդ հորիզոնականում է Արդշինբանկը՝ 27.96 մլրդ դրամ վճարված հարկերով։ 2024թ. համադրելի ցուցանիշի համեմատ արձանագրվել է աճ 22.03 մլրդ դրամով կամ 371.48%-ով։ 2024թ. հունվար-հունիսին ընկերությունը զբաղեցրել էր 21-րդ հորիզոնականը։

Հինգերորդ տեղում է Ամերիաբանկը, որը պետական բյուջե է մուտքագրել 21.4 մլրդ դրամ։ Սա 2024թ. համադրելի ցուցանիշից ավել է 3.88 մլրդ դրամով կամ 22.16%-ով։ 2024թ. հունվար-հունիսին ընկերությունը զբաղեցրել էր 6-րդ հորիզոնականը։

Վեցերորդ տեղում ԶՊՄԿ-ն է, որը վճարել է 20.37 մլրդ դրամ։ 2024թ. նույն ժամանակահատվածի համեմատ արձանագրվել է անկում 43.67 մլրդ դրամով կամ 68.19%-ով։ 2024թ. հունվար-հունիսին ընկերությունը զբաղեցրել էր 1-ին հորիզոնականը։

Սի Փի Էս Էներջի Գրուպը յոթերորդ հորիզոնականում է՝ վճարելով 12.11 մլրդ դրամ։ 2024թ. նույն ժամանակահատվածի համեմատ արձանագրվել է 2.35 մլրդ դրամ կամ 24.08% աճ։ 2024թ. հունվար-հունիսին ընկերությունը զբաղեցրել էր 8-րդ հորիզոնականը։

Ութերորդ տեղում է Ինտերնեյշնլ Մասիս Տաբակը, որը պետական բյուջե է մուտքագրել 11.46 մլրդ դրամ։ 2024թ. նույն ժամանակահատվածի համեմատ արձանագրվել է աճ 2.66 մլրդ դրամով կամ 30.26%-ով։ 2024թ. հունվար-հունիսին ընկերությունը զբաղեցրել էր 11-րդ հորիզոնականը։

Իններորդ տեղում է Փրիթի Ուեյը, որը պետական բյուջե է մուտքագրել 11.25 մլրդ դրամ։ 2024թ. նույն ժամանակահատվածի համեմատ գրանցվել է անկում 36.35%-ով կամ 6.43 մլրդ դրամով։ 2024թ. հունվար-հունիսին ընկերությունը զբաղեցրել էր 5-րդ հորիզոնականը։

Տասնյակը եզրափակում է Դիջիթեյն, որը մուծել է 11.03 մլրդ դրամ հարկ։ 2024թ. համադրելի ցուցանիշի համեմատ արձանագրվել է աճ 77.83%-ով կամ 4.83 մլրդ դրամով։ 2024թ. հունվար-հունիսին ընկերությունը զբաղեցրել էր 20-րդ հորիզոնականը։

Առաջին տասնյակում տեղ է զբաղեցրել մեկական ընկերություն տեխնոլոգիաների և հանքարդյունաբերության ոլորտներից։ 2-ական ընկերությամբ ներկայացված են էլեկտրոնիկայի վաճառքի, բանկային, էներգակիրների և ծխախոտագործության ոլորտները։

Ընդհանուր ցուցանիշներ

Ընդհանուր առմամբ, առաջատար 10 հարկատուների կողմից 2025թ. հունվար-հունիս ամիսներին վճարվել է շուրջ 207.02 մլրդ դրամ հարկ, ինչը 2024թ. համադրելի ցուցանիշից պակաս է 6.65%-ով կամ 14.75 մլրդ դրամով (2024թ․ ցուցանիշը՝ 221.78 մլրդ դրամ)։

Առաջատար 100 հարկատուների կողմից վճարված հարկերի ծավալը կազմել է 573.17 մլրդ դրամ՝ +7.67% կամ 40.83 մլրդ դրամ, իսկ 1,000 խոշոր հարկատուների կողմից մուծված հարկերի ծավալը կազմել է 986.07 մլրդ դրամ՝ +85.67 մլրդ դրամ կամ 9.51%։

1000 խոշոր հարկատուների կողմից մուծված հարկերի շուրջ 20.99%-ը բաժին է ընկնում առաջին 10 ընկերությանը, իսկ առաջին հարյուրին՝ մոտ 58.13%։

Եթե մուծված հարկերի ծավալը ներկայացնենք ԱՄՆ դոլարով (ԿԲ փոխարժեքը 2025թ․ հուլիսի 25-ի դրությամբ՝ 383.94 դրամ), ապա՝

Առաջատար տասնյակի կողմից մուծվել է շուրջ 539.21 մլն դոլար։ Առաջատար 100-ի կողմից՝ մոտ 1.49 մլրդ դոլար, իսկ 1,000-ի կողմից՝ շուրջ 2.57 մլրդ դոլար։

ՀՀ Խոշոր հարկատուներ. 2025թ. հունվար-հունիս

Search
No	ՀՎՀՀ	Անվանում	Տեղակայում	Հազ. ՀՀԴ
1	01850138	ՄՈԲԱՅԼ ՍԵՆԹՐ ԱՐԹ	ԵՐԵՎԱՆ	32,919,577
2	02216066	ԳՐԱՆԴ ՏՈԲԱԿՈ	ԵՐԵՎԱՆ	30,461,235
3	00046317	ԳԱԶՊՐՈՄ ԱՐՄԵՆԻԱ	ԵՐԵՎԱՆ	28,041,107
4	02566492	ԱՐԴՇԻՆԲԱՆԿ	ԵՐԵՎԱՆ	27,963,847
5	02502212	ԱՄԵՐԻԱԲԱՆԿ	ԵՐԵՎԱՆ	21,402,548
6	09400818	ԶԱՆԳԵԶՈՒՐԻ ՊՂՆՁԱՄՈԼԻԲԴԵՆԱՅԻՆ ԿՈՄԲԻՆԱՏ	ՍՅՈՒՆԻՔ	20,374,881
7	02847546	ՍԻ ՓԻ ԷՍ ԷՆԵՐՋԻ ԳՐՈՒՊ	ԵՐԵՎԱՆ	12,110,349
8	04215053	ԻՆՏԵՐՆԵՅՇՆԼ ՄԱՍԻՍ ՏԱԲԱԿ	ԱՐԱՐԱՏ	11,464,179
9	01829451	ՓՐԻԹԻ ՈՒԵՅ	ԵՐԵՎԱՆ	11,254,999
10	02627448	ԴԻՋԻԹԵՅՆ	ԵՐԵՎԱՆ	11,030,775
11	01551651	ՎԻՎԱ ԱՐՄԵՆԻԱ	ԵՐԵՎԱՆ	10,453,585
12	09416902	ԿԱՊԱՆԻ ԼԵՌՆԱՀԱՐՍՏԱՑՄԱՆ ԿՈՄԲԻՆԱՏ	ՍՅՈՒՆԻՔ	10,319,928
13	01282006	ՍԻԹԻ	ԵՐԵՎԱՆ	10,006,720
14	02629813	ՍՈՖԹ ԿՈՆՍՏՐԱԿՏ	ԵՐԵՎԱՆ	9,927,578
15	00454054	ՖԻԼԻՊ ՄՈՐՐԻՍ ԱՐՄԵՆԻԱ	ԵՐԵՎԱՆ	9,792,636
16	02700773	ԹԵՂՈՒՏ	ԼՈՌԻ	9,602,114
17	02562664	ԱՐՄԵՆԻԱ ՄԻՋԱԶԳԱՅԻՆ ՕԴԱՆԱՎԱԿԱՅԱՆՆԵՐ	ԵՐԵՎԱՆ	8,790,909
18	02520007	ԱԿԲԱ ԲԱՆԿ	ԵՐԵՎԱՆ	8,457,486
19	02681198	ՎԱՅԼԴԲԵՐՐԻԶ	ԵՐԵՎԱՆ	8,064,424
20	02518512	ԻՆԵԿՈԲԱՆԿ	ԵՐԵՎԱՆ	7,972,254
21	01520882	ՀԱՅԱՍՏԱՆԻ ԷԼԵԿՏՐԱԿԱՆ ՑԱՆՑԵՐ	ԵՐԵՎԱՆ	7,726,510
22	00159949	ԿԱԲԱՐԿՈ	ԵՐԵՎԱՆ	7,689,071
23	01808789	ՖԼԵՇ	ԵՐԵՎԱՆ	7,298,343
24	00841344	ՍՊՍ ՍԻԳԱՐՈՆ	ԵՐԵՎԱՆ	6,994,587
25	02662703	ՄԱՔՍ ՕԻԼ	ԵՐԵՎԱՆ	6,064,694

26	09001005	ՋԵՐՄՈՒԿ ԳՐՈՒՊ	ԵՐԵՎԱՆ	6,029,399
27	03803122	ԳՐԱՆԴ ՄԱՍՏԵՐ	ԱՐԱՐԱՏ	5,386,137
28	01282185	ԱԼԵՔՍ ԷՆԴ ՀՈԼԴԻՆԳ	ԵՐԵՎԱՆ	5,368,608
29	02899159	ԻՄՎԲԱՄ	ԵՐԵՎԱՆ	5,273,357
30	09700039	ԱԳԱՐԱԿԻ ՊՂՆՁԱ-ՄՈԼԻԲԴԵՆԱՅԻՆ ԿՈՄԲԻՆԱՏ	ԵՐԵՎԱՆ	5,253,897
31	00807297	ԿՈԿԱ-ԿՈԼԱ ՀԲՔ ԱՐՄԵՆԻԱ	ԵՐԵՎԱՆ	5,165,442
32	04401874	ՀԱՅԿԱԿԱՆ ԱՏՈՄԱՅԻՆ ԷԼԵԿՏՐԱԿԱՅԱՆ	ԱՐՄԱՎԻՐ	5,152,332
33	00489503	ՄԵԳԱ ԹՐԵՅԴ	ԵՐԵՎԱՆ	5,028,271
34	02629374	ՋԵՅ ԹԻ ԱՅ ԱՐՄԵՆԻԱ	ԵՐԵՎԱՆ	4,881,318
35	00000291	ԿՈՆՎԵՐՍ ԲԱՆԿ	ԵՐԵՎԱՆ	4,798,744
36	01224623	ԱՐԹ ՎԱՅՆ	ԵՐԵՎԱՆ	4,645,778
37	02500052	ՏԵԼԵԿՈՄ ԱՐՄԵՆԻԱ	ԵՐԵՎԱՆ	4,595,076
38	00024873	ՅՈՒՔՈՄ	ԵՐԵՎԱՆ	4,580,932
39	00005409	ԱյԴի Բանկ	ԵՐԵՎԱՆ	4,405,927
40	02559077	ՅՈՒՆԻԲԱՆԿ	ԵՐԵՎԱՆ	4,290,608
41	02226764	ԳՐԱՆԴ ՔԵՆԴԻ	ԵՐԵՎԱՆ	4,276,329
42	00001182	ԷՎՈԿԱԲԱՆԿ	ԵՐԵՎԱՆ	4,071,598
43	02655115	ՎԵՈԼԻԱ ՋՈՒՐ	ԵՐԵՎԱՆ	4,021,385
44	00006487	ԱԹԵՆՔ	ԵՐԵՎԱՆ	3,990,679
45	02236362	ՍԻՆՈՓՍԻՍ ԱՐՄԵՆԻԱ	ԵՐԵՎԱՆ	3,714,319
46	02500518	ԱՐԱՐԱՏԲԱՆԿ	ԵՐԵՎԱՆ	3,693,033
47	02849661	ՖՐԻԴՈՄ ՖԻՆԱՆՍ ԱՐՄԵՆԻԱ ՍՊԸ	ԵՐԵՎԱՆ	3,591,347
48	00029448	ԱՆԴԱԿՈ	ԵՐԵՎԱՆ	3,580,691
49	02201405	ՀԱՅԷԿՈՆՈՄԲԱՆԿ	ԵՐԵՎԱՆ	3,426,190
50	02704414	ՎԵԳԱ ՈՒՈՐԼԴ	ԵՐԵՎԱՆ	3,368,025