100 000 եվրո մեկնարկային գին՝ նոր Audi Q9-ի համար

Audi-ի շարքի ամենամեծ քրոսովերի թողարկման մասին խոսակցությունները շարունակվում են արդեն մի քանի տարի։ Երեք շարքով ընդարձակ ինտերիերով ապագա նոր արտադրանքի փորձարկման մասին տեղեկատվությունը մեզ է հասել դեռևս 2021 թվականին։

Բայց դրանից հետո ամենագնացը երբեք չի ներկայացվել հանրությանը պատրաստի տեսքով: Այն փորձարկվում է երբեմն-երբեմն՝ հայտնվելով մրցուղիների և սովորական ճանապարհների վրա:

Կրկին ակտիվացել են խոսակցությունները 2026 թվականին առաջատար ամենագնացի դեբյուտի մասին, ինչպես նաև տարածվել են պապարացիների արած նոր կադրերը, որոնք ստիպում են ևս մեկ անգամ վերանայել առաջիկա Q9-ի հնարավոր դիզայնը։

Դատելով դրանցից՝ Audi Q9-ը կլինի նոր Q7-ի ընդլայնված տարբերակը։

Նոր Audi Q9-ը և SQ9-ը ենթադրաբար կառուցված են բարձրակարգ PPC հարթակի վրա: Ամենագնացի ամենահզոր տարբերակի ծածկի տակ կարող է լինել 4-լիտրանոց V8 երկտուրբո շարժիչ: Այնուամենայնիվ, Q9-ը դժվար թե լինի առանց հիբրիդային տարբերակների: Հաշվի առնելով Գերմանիայում նոր Q7-ի և Q8-ի գները, կարող ենք ակնկալել առնվազն 100 հազար եվրո մեկնարկային գին Audi-ի ամենամեծ ամենագնացի համար: