ՀՀ խոշոր հարկատուներ. 1-ին եռամսյակում առաջատարը Գազպրոմ Արմենիան է

Պետական եկամուտների կոմիտեն հրապարակել է 2025թ. հունվար-մարտ ամիսների Հայաստանի 1,000 խոշոր հարկ վճարողների կողմից վճարված հարկերի և տուրքերի ցուցանիշները։ Այդ մասին տեղեկանում ենք ՊԵԿ-ից։

Առաջատար տասնյակ

Հրապարակված ցուցանիշների համաձայն՝ Հայաստանի խոշոր հարկ վճարողների ցուցակը գլխավորում է Գազպրոմ Արմենիան։ Ընկերության կողմից պետական բյուջե է վճարվել 19.90 մլրդ դրամ, ինչը 2024թ. 18.16 մլրդ դրամ ցուցանիշից ավել է 1.74 մլրդ դրամով կամ 9.57%-ով։ 2024թ. հունվար-մարտին ընկերությունը զբաղեցրել էր 2-րդ հորիզոնականը։

Երկրորդ տեղում է Մոբայլ Սենթր Արթը՝ 16.59 մլրդ դրամ։ 2024թ. համադրելի ցուցանիշից պակաս է 3.32 մլրդ դրամով կամ 16.66%-ով։ 2024թ. հունվար-մարտին ընկերությունը զբաղեցրել էր 1-ին հորիզոնականը։

Գրանդ Տոբակոն երրորդ տեղում է՝ 12.07 մլրդ դրամով։ 2024թ. ցուցանիշի համեմատ արձանագրվել է նվազում 1.15 մլրդ դրամով կամ 8.67%-ով։ 2024թ. հունվար-մարտին ընկերությունը զբաղեցրել էր 4-րդ հորիզոնականը։

Չորրորդ հորիզոնականում է Սի Փի Էս Էներջի Գրուպը՝ 7.03 մլրդ դրամ վճարված հարկերով։ 2024թ. համադրելի ցուցանիշի համեմատ արձանագրվել է աճ 2.22 մլրդ դրամով կամ 46.13%-ով։ 2024թ. հունվար-մարտին ընկերությունը զբաղեցրել էր 6-րդ հորիզոնականը։

Հինգերորդ տեղում է Փրիթի Ուեյ ընկերությունը, որը պետական բյուջե է մուտքագրել 6.54 մլրդ դրամ։ Սա 2024թ. համադրելի ցուցանիշից պակաս է 2.27 մլրդ դրամով կամ 25.71%-ով։ 2024թ. հունվար-մարտին ընկերությունը զբաղեցրել էր 5-րդ հորիզոնականը։

Վեցերորդ տեղում է Վայլդբերրիզը, որը վճարել է 5.70 մլրդ դրամ։ 2024թ. նույն ժամանակահատվածի համեմատ արձանագրվել է աճ՝ 1.48 մլրդ դրամով կամ 35.12%-ով։ 2024թ. հունվար-մարտին ընկերությունը զբաղեցրել էր 10-րդ հորիզոնականը։

Սիթի ընկերությունը յոթերորդ հորիզոնականում է՝ վճարելով 5.17 մլրդ դրամ։ 2024թ. նույն ժամանակահատվածի համեմատ արձանագրվել է 0.84 մլրդ դրամ կամ 19.27% աճ։ 2024թ. հունվար-մարտին ընկերությունը զբաղեցրել էր 9-րդ հորիզոնականը։

Ութերորդ տեղում է Ինտերնեյշնլ Մասիս Տաբակը, որը պետական բյուջե է մուտքագրել 4.47 մլրդ դրամ։ 2024թ. նույն ժամանակահատվածի համեմատ արձանագրվել է անկում 0.23 մլրդ դրամով կամ 4.91%-ով։ 2024թ. հունվար-մարտին ընկերությունը զբաղեցրել էր 7-րդ հորիզոնականը։

Իններորդ տեղում է Հայաստանի էլեկտրական ցանցերը, որը պետական բյուջե է մուտքագրել 4.40 մլրդ դրամ։ 2024թ. նույն ժամանակահատվածի համեմատ գրանցվել է աճ 27.6%-ով կամ 0.951 մլրդ դրամով։ 2024թ. հունվար-մարտին ընկերությունը զբաղեցրել էր 12-րդ հորիզոնականը։

Տասնյակը եզրափակում է Սոֆթ Կոնստրակտը, որը մուծել է 4.01 մլրդ դրամ հարկ։ 2024թ. համադրելի ցուցանիշի համեմատ արձանագրվել է աճ 11.29%-ով կամ 0.407 մլրդ դրամով։ 2024թ. հունվար-մարտին ընկերությունը զբաղեցրել էր 11-րդ հորիզոնականը։

Առաջին տասնյակում տեղ է զբաղեցրել մեկական ընկերություն էներգետիկայի, առևտրի և էլեկտրոնային առևտրի ոլորտներից։ 2-ական ընկերությամբ ներկայացված են էլեկտրոնիկայի վաճառքի և ծխախոտագործության ոլորտները, 3 ընկերությամբ ներկայացված է էներգակիրների ոլորտը։

Ընդհանուր ցուցանիշներ

Ընդհանուր առմամբ, առաջատար 10 հարկատուների կողմից 2025թ. հունվար-մարտ ամիսներին վճարվել է շուրջ 85.89 մլրդ դրամ հարկ, ինչը 2024թ. համադրելի ցուցանիշից պակաս է 12.73%-ով (2024թ․ ցուցանիշը՝ 98.41 մլրդ դրամ)։

Առաջատար 100 հարկատուների կողմից վճարված հարկերի ծավալը կազմել է մոտ 230.64 մլրդ դրամ՝ +2.61% կամ 5.86 մլրդ դրամ, իսկ 1,000 խոշոր հարկատուների կողմից մուծված հարկերի ծավալը կազմել է մոտ 409.35 մլրդ դրամ՝ +22.24 մլրդ դրամ կամ 5.75%։

1000 խոշոր հարկատուների կողմից մուծված հարկերի շուրջ 21%-ը բաժին է ընկնում առաջին 10 ընկերությանը, իսկ առաջին հարյուրի կողմից՝ մոտ 56%։

Եթե մուծված հարկերի ծավալը ներկայացնենք ԱՄՆ դոլարով (ԿԲ փոխարժեքը 2025թ․ ապրիլի 25-ի դրությամբ՝ 390.33 դրամ), ապա՝

Առաջատար տասնյակի կողմից մուծվել է շուրջ 220.04 մլն դոլար։ Առաջատար 100-ի կողմից՝ մոտ 590.89 մլն դոլար, իսկ 1,000-ի կողմից՝ շուրջ 1.048 մլրդ դոլար։

ՀՀ Խոշոր հարկատուներ. 2025թ. հունվար-մարտ

Search
No	ՀՎՀՀ	Անվանում	Տեղակայում	Հազ. ՀՀԴ
1	00046317	ԳԱԶՊՐՈՄ ԱՐՄԵՆԻԱ	ԵՐԵՎԱՆ	19,900,658
2	01850138	ՄՈԲԱՅԼ ՍԵՆԹՐ ԱՐԹ	ԵՐԵՎԱՆ	16,591,124
3	02216066	ԳՐԱՆԴ ՏՈԲԱԿՈ	ԵՐԵՎԱՆ	12,069,758
4	02847546	ՍԻ ՓԻ ԷՍ ԷՆԵՐՋԻ ԳՐՈՒՊ	ԵՐԵՎԱՆ	7,032,296
5	01829451	ՓՐԻԹԻ ՈՒԵՅ	ԵՐԵՎԱՆ	6,545,267
6	02681198	ՎԱՅԼԴԲԵՐՐԻԶ	ԵՐԵՎԱՆ	5,697,551
7	01282006	ՍԻԹԻ	ԵՐԵՎԱՆ	5,171,979
8	04215053	ԻՆՏԵՐՆԵՅՇՆԼ ՄԱՍԻՍ ՏԱԲԱԿ	ԱՐԱՐԱՏ	4,468,930
9	01520882	ՀԱՅԱՍՏԱՆԻ ԷԼԵԿՏՐԱԿԱՆ ՑԱՆՑԵՐ	ԵՐԵՎԱՆ	4,395,654
10	02629813	ՍՈՖԹ ԿՈՆՍՏՐԱԿՏ	ԵՐԵՎԱՆ	4,013,376
11	01808789	ՖԼԵՇ	ԵՐԵՎԱՆ	3,533,270
12	02502212	ԱՄԵՐԻԱԲԱՆԿ	ԵՐԵՎԱՆ	3,442,360
13	00454054	ՖԻԼԻՊ ՄՈՐՐԻՍ ԱՐՄԵՆԻԱ	ԵՐԵՎԱՆ	3,431,506
14	01551651	ՎԻՎԱ ԱՐՄԵՆԻԱ	ԵՐԵՎԱՆ	3,415,094
15	09001005	ՋԵՐՄՈՒԿ ԳՐՈՒՊ	ԵՐԵՎԱՆ	3,349,732
16	02566492	ԱՐԴՇԻՆԲԱՆԿ	ԵՐԵՎԱՆ	3,326,445
17	00005409	ԱյԴի Բանկ	ԵՐԵՎԱՆ	3,269,229
18	02520007	ԱԿԲԱ ԲԱՆԿ	ԵՐԵՎԱՆ	3,267,398
19	02627448	ԴԻՋԻԹԵՅՆ	ԵՐԵՎԱՆ	3,183,787
20	00489503	ՄԵԳԱ ԹՐԵՅԴ