Tag Archives: Գյումրի.

Գյումրու «Շիրակ» օդանավակայանից նախատեսվում են չվերթներ դեպի Եվրոպա։ Այդ մասին Շիրակի մարզ կատարած աշխատանքային այցի ընթացքում լրագրողներին տեղեկացրել է Տարածքային կառավարման և ենթակառուցվածքների նախարար Դավիթ Խուդաթյանը։ «Մենք արդեն մի ավիաընկերության հետ պայմանավորվածություն ունենք, և պետական սուբսիդավորման ծրագրի շրջանակում առաջիկայում, հավանաբար, նոր ուղղությամբ՝ դեպի Եվրոպա, կմեկնարկեն չվերթներ, որոնք քաղաքի և մարզի համար լրացուցիչ հոսք ու տնտեսական շարժ կապահովեն»,-նշել է ՏԿԵ նախարարը։ 

Աննա Հակոբյանը Գյումրի կատարած այցից լուսանկարներ է հրապարակել Ինստագրամի իր էջի «սթորի» բաժնում։ Նա Շիրակի փոխմարզպետ Աննա Մարտիկյանի ընկերակցությամբ շրջել է Գյումրու կենտրոնական փողոցներում, ծաղիկներ դրել գյումրեցի զոհված զինծառայողներից մեկի հիշատակին նվիրված, վերջերս տեղադրված խաչքարի առաջ։