Tag Archives: Ներքին Հանդ

Հայաստանում տեղակայված ԵՄ քաղաքացիական առաքելության դիտորդները պարեկություն են իրականացրել Սյունիքի մարզի Ներքին Հանդ բնակավայրում։ Այս մասին ԵՄ առաքելությունը հայտնել է X-ում գրառմամբ։ «Նախօրեին EUMA-ն հաջող պարեկություն է իրականացրել Հայաստանի հարավում գտնվող Ներքին Հանդում՝ գնահատելու Հայաստան-Ադրբեջան սահմանին հումանիտար և անվտանգության իրավիճակը: Առաքելության ղեկավարը և EUMA թիմը հանդիպել են համայնքապետ Խաչատուր Բաղդասարյանի հետ, որը ջերմորեն ընդունել է մեզ գյուղում»,- ասվում է գրառման մեջ։

Ադրբեջանի ԶՈՒ ստորաբաժանումները հունիսի 20-ին ժամը 15:50-ին կրակ են բացել Ներքին Հանդի և Սրաշենի հատվածում տեղակայված հայկական դիրքերի ուղղությամբ: Այդ մասին տեղեկանում է ՀՀ պաշտպանության նախարարության տարածած հաղորդագրությունից: Այլ մանրամասներ չի նշվում: