Տիեզերական «տոնածառ» և «Սուրբ Ծննդյան պսակ»՝ NASA-ից

ԱՄՆ տիեզերական գործակալությունը հրապարակել է NGC 2264-ի պատկերը՝ երիտասարդ աստղերի կուտակումը, որը ոմանք անվանում են «տոնածառ»՝ իր ձևի պատճառով: Գործակալությունը հրապարակել է նաև NGC 602 աստղային կլաստերի լուսանկարը, որը նման է Սուրբ Ծննդյան ծաղկեպսակի:

NASA-ի ամանորյա տոնածառը

NGC 2264-ը գտնվում է մեր մոլորակից մոտավորապես 2500 լուսատարի հեռավորության վրա: Քանի որ այս կլաստերի աստղերը համեմատաբար երիտասարդ են՝ մեկից հինգ միլիոն տարեկան, նրանք ուժեղ բռնկումներ են արձակում։ Դրանցից մի քանիսը բավականին մեծ են՝ 7 անգամ ավելի մեծ, քան մեր Արեգակը, իսկ մյուսներն ունեն մեր աստղի զանգվածի մեկ տասներորդը: Համեմատության համար նշենք, որ մեր Արեգակը մոտ 4,6 միլիարդ տարեկան է:

Իրականում, կուտակումը այնքան էլ այնպիսին չէ, ինչպես վերևի լուսանկարում, այլ այսպիսի տեքստ ունի.

Առաջին լուսանկարում գիտնականները կանաչ գույնով ընդգծել են միգամածության գազը, որ այն տոնածառի նմանվի, մինչդեռ աստղերը ցուցադրող ինֆրակարմիր կետերը գունավորել են սպիտակ և կապույտ՝ խաղալիքների և լույսերի տեսք հաղորդելու համար:

NASA-ի սուրբծննդյան ծաղկեպսակը

ՆԱՍԱ-ն հրապարակել է նաև NGC 602 աստղային կլաստերի լուսանկարը, որը նման է Սուրբ Ծննդյան ծաղկեպսակի։

NGC 602-ը գտնվում է Մագելանի փոքր ամպի ծայրամասում՝ Ծիր Կաթինին ամենամոտ գալակտիկաներից մեկի մոտ: Պատկերը միավորում է NASA-ի Չանդրա աստղադիտակի ռենտգենյան ճառագայթները և Ջեյմս Ուեբ տիեզերական աստղադիտակի ինֆրակարմիր տվյալները:

«Ծաղկեպսակի» մուգ օղակաձև ուրվագիծը բաղկացած է փոշու խիտ ամպերից։ Լուսանկարում նաև երևում է, որ երիտասարդ, հսկայական աստղերը լուսավորում են ծաղկեպսակը՝ բարձր էներգիայի լույս ուղարկելով միջաստղային տարածություն: