Գիրք՝ ․․․մարդասպանի մաշկից

Թանգարանի գրասենյակում հայտնաբերվել է բրիտանացի ամենահայտնի մարդասպաններից մեկի մաշկից պատրաստված գիրք, տեղեկացրել է Daily Mail-ը։

Այն պատրաստված է Ջորջիայից մարդասպան Ուիլյամ Քորդերի մաշկից, որը 1828թ.ն կախաղան է բարձրացվել Բուրի Սենթ Էդմունդսում իր սիրելիի՝ Մարիա Մարտենի սպանության համար: Հանցագործությունը հայտնի է դարձել որպես Կարմիր ամբարի սպանություն: Քորդերը հրապարակայնորեն մահապատժի է ենթարկվել:

Նրա կաշվից մի քանի կտոր օգտագործվել է իր հանցագործության մասին պատմող գիրքը կազմելու համար, և 1933-ից այն ցուցադրվել է Բուրի Սենթ Էդմունդս քաղաքի Մոյեսի սրահի թանգարանում:

Գրքի երկրորդ օրինակը, որը նույնպես պատրաստված է Քորդերի մաշկից, հայտնաբերվել է թանգարանի գրասենյակի գրապահարանում և այժմ ցուցադրվում է բնօրինակ գրքի կողքին:

Երկրորդ գիրքը հայտնաբերվել է անցյալ տարի, և, ի տարբերություն բնօրինակի, գրքերի միայն կազմի և անկյունների վրա կա կաշի։

Մոյես սրահի թանգարանի մշակութային ժառանգության պատասխանատու Դեն Քլարկն ասում է, որ այն պատրաստված է «կաշվի մնացորդներից»:

BBC Radio Suffolk-ի հետ զրույցում նա ասել է, որ գրքերը «անհավանական կարևոր» պատմական արժեք ունեն:

Սակայն  «Սարսափելի պատմությունների» հեղինակ Թերի Դիրին գրքերը նկարագրել է որպես «զզվելի արտեֆակտներ»: «Շատ հանցագործներ իսկապես վախենում էին դրանից: «Դա ավելի վատ էր, քան կախվելը, սարսափելի էր այն միտքը, որ նրանց մարմինը մաշկազերծ եր արվում»,- ասել է նա Telegraph-ին:

1827թ. Սաֆոլքի Փոլսթեդ քաղաքում տեղի ունեցած սպանությունը ցնցել է Ջորջիան և այդ ժամանակից ի վեր բազմաթիվ ֆիլմերի, գրքերի և պիեսների թեմա է դարձել:

Քորդերը սիրավեպ ուներ միսս Մարտենի հետ և առաջարկել էր նրան հանդիպել Կարմիր ամբարում՝ տեղի տեսարժան վայրում, որպեսզի փախչեն և ամուսնանան։ Բայց Քորդերը գնդակահարել է միսս Մարտենին, թաղել նրան ամբարում և ի վերջո բռնվել և հրապարակայնորեն մահապատժի ենթարկվել 1828թ. օգոստոսի 11-ին: