Երևանում կանցկացվի Եվրասիական տնտեսական համաժողով

ՀՀ փոխվարչապետ, Եվրասիական տնտեսական հանձնաժողովի խորհրդի նախագահ Մհեր Գրիգորյանի գլխավորությամբ առցանց ձևաչափով անցկացվել է Եվրասիական տնտեսական ֆորում – 2024-ի կազմակերպչական կոմիտեի նիստ:

Ինչպես հաղորդում Է Եվրասիական տնտեսական հանձնաժողովի մամուլի ծառայությունը, համաժողովը, որը տեղի կունենա սեպտեմբերի 30 – ից մինչեւ հոկտեմբերի 1-ը Երևանում, նվիրված կլինի Եվրասիական միջկառավարական խորհրդի նիստին և միության տասնամյա գործունեության արդյունքներին, զարգացման հեռանկարներին և առաջնահերթություններին:

Համաժողովի նպատակը եվրասիական տարածքում կոոպերացիոն կապերի կատարելագործումն է ։ Նախատեսվում է, որ դրան կմասնակցեն միության երկրների խոշոր, միջին և փոքր բիզնեսի, պետական իշխանության մարմինների, ինչպես նաև երրորդ երկրների ղեկավարներ, ԵԱՏՄ-ի հետ փոխգործակցության զարգացմամբ հետաքրքրված միջազգային կազմակերպությունների ներկայացուցիչներ: Ծրագրում ներառված է ավելի քան 30 միջոցառում, այդ թվում՝ ԵԱՏՄ կառավարությունների ղեկավարների մասնակցությամբ լիագումար նիստ՝ “Թվայնացումը ժամանակակից իրողություններում ՝ հրամայական չորս ազատությունների ապահովման համար” թեմայով ։ Քննարկումների ընթացքում անդամ պետությունների և երրորդ երկրների փորձագետները կքննարկեն միության ռազմավարական զարգացման նոր ուղղությունները:

Կազմկոմիտեի նիստին մասնակցել են ծրագրային կոմիտեի ղեկավար, ԵՏՀ նախարար Գոհար Բարսեղյանը, կոլեգիայի անդամներ, ԵՏՀ օպերատիվ շտաբի, ԵԱՏՄ երկրների նախարարությունների և գերատեսչությունների ներկայացուցիչներ: