Անդրբայկալում երաշտի պատճառով արտակարգ ռեժիմ է սահմանվել

Անդրբայկալում երաշտի պատճառով օգոստոսի 15-ին սկսել է գործել տարածաշրջանային արտակարգ ռեժիմ։ Ըստ «Коммерсантъ»-ի՝ տարածաշրջանային կառավարության մամուլի ծառայությունից հայտնել են, որ համապատասխան հրամանագիրը ստորագրել է նահանգապետ Ալեքսանդր Օսիպովը: Նշվում է, որ մթնոլորտային և հողային երաշտի հետևանքով ագրոարդյունաբերական համալիրում հանգեցրած բարդ իրավիճակի ստեղծման առնչությամբ, որը 26,5 հազար հեկտար տարածքի վրա վնասել է գյուղատնտեսական մշակաբույսեր և խոտհարքներ։

«Հունիսի 1-ից հուլիսի 20-ն ընկած ժամանակահատվածում արդյունավետ տեղումների բացակայությունը կամ անբավարարությունը, մթնոլորտի և հողի խոնավության պակասը, ցերեկային օդի բարձր ջերմաստիճանը և օդի ցածր հարաբերական խոնավությունը նպաստել են հողից խոնավության ինտենսիվ գոլորշիացմանը։

Մարզպետի հրամանագրով ստեղծվել է ԱԻ արձագանքման կենտրոն։ Մարզային գյուղատնտեսության նախարարության մասնագետները, քաղաքային հանձնաժողովների հետ համատեղ, աշխատանքներ են տանում դաշտերի ուսումնասիրության և վնասների հաշվարկման ուղղությամբ։ Նախարարությունը նաև մտադիր է դաշնային կառավարությանը փաստաթղթեր և տեղեկություն տրամադրել վնասի գնահատման համար։